11 ساعتونه مخکې
د طالبانو ادارې د کورنیو چارو وزارت ویلي، دغه وزارت امنیتي کامرې د خلکو په وړاندیز په هغو ځایونو کې نصب کړي چې په خپله د ولس لخوا ټاکل شوي.
دغه وزارت ویلي، د خلکو د رواني او فزیکي خوندېتوب په موخه یې پلازمینه کابل کې تر ۶۲ زرو ډېرې پټې او ښکاره امنیتي کامرې نصب کړي دي.
طالبانو د امنیتي کامرو د نصب بهیر د دوام خبره کړې، خو د بخښنې نړېوال سازمان بیا د کورنیو چارو وزارت پر دغه ګام سخته نېوکه کړې. دغه سازمان خبرداری ورکړی چې د امنیتي کامرو په نصب سره د خلکو شخصي حریم نقض کیږي او ترڅنګ به یې د خلکو په ځانګړې توګه د ښځو بنسټيز حقونه تر پښو لاندې شي.
خو د طالبانو د کورنیو چارو وزارت پر ټویټرپاڼه دغه رپوټ ته په غبرګون کې ویل شوي: «مونږ یې دا ډول بې اساسه ادعاوې په ټوله معنا سره ردوو، ځکه کله چې امريکا او ناټو د خپلو موخو او استخباراتي معلوماتو لپاره د کابل په شمول د هيواد ټولو زونونو کې د بالونونو په لګولو سره د څار کړنې ترسره کولې، نو هلته د بشري حقونو نقض او د شخصي حریم مدافعانو ولې غږ نه پورته کاوه؟»
طالبانو زیاته کړې د امنیتي کامرو لګول یوه اړتیا ده چې دا نه یواځې په افغانستان بلکې د نړۍ د هېوادونو په هر ښار او پلازمینه کې معمول دي.
خو د بخښنې نړېوال سازمان وايي چې که دا څارګرې کمرې نصب شي، د خلکو اساسي حقونه، محرمیت او دې ته ورته د بیان ازادي چې په دغه هېواد کې د طالبانو له واکمنۍ راهیسې په بې ساري ډول تر پښو لاندې شوي، په بشپړه توګه به له منځه ولاړ شي.
***************************************
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.