حماسي صاحب

حماسي صاحب

حماسي صیب، حماسي عالم دی، ځکه یې خبرو تل حماسې زیږ‎ولې وي.

د ھغه ځانگړ‎نه یواځې په کم عمر کې علمي تبحر نه دی بلکې دا دی چې ھغه د حق او باطل په جگړ‎ہ تل د حقملگری پاته شوی. ھغه مجاھد او مبارز عالم دی.

تیرہ ورځ په کابل کې د نړ‎ۍ د اسلامي علماو جرگه گۍ ته د ھغه تقریر یو څه گونگوسې

 را پارولې وې؛ چا یې په خبرو نیوکې کړ‎ي او چا ورڅخه دفاع!

زہ وایم:

راځئ، دې مسئلې ته د حب او بغض له عینکو و نه گورو!

د مینه والو ستاینې یې پخپل ځای خو د معترضینو نیوکې په پراخه سینه او سوړ‎ دماغ راوسپړ‎و، وگورو چې موږ‎ ته پکې کوم درسونه پراته دي.

لومړ‎ۍ نیوکه:

وایي: عربي یې کمزورې دہ.

ما د حماسي صیب خبرې څو ځل واوریدې، ځینې جملې یې ښایي د مفھوم په اداء کې ستونزې ولري. ښایيځینې وړ‎ې نحوي تیروتنې ھم پکې وي.

درس:

بې له شکه، حماسي صیب د سیمې په کچه ستر عالم دی. زہ ورته د زړ‎ہ له کومې احترام لرم.

په معاصرہ عربي ژبه کې د سم تعبیر ستونزہ یواځې تر ھغه پورې محدودہ نه دہ بلکې زموږ‎ ډیری ستر شیوخالقرآن و الحدیث ھمدا ستونزہ لري چې لامل یې زموږ‎ د مدارسو په نصاب کې د عربي ژبې د زدہ کړ‎ې نشتون یاغیرمعیاري شتون دی.

په ځینو مدارسو کې د الحِوار یا په کوم بل نوم د عربي  ژبې مضمون تدرسیږ‎ي خو ھلته تر کیف حالک یا أخی،ور اخوا نور ھیڅ ھم نه وي.

راځئ! د خپلو مدارسو په نصاب کې د مروجې عربي ژبې د ویلو ھنر لا پسې غښتلی کړ‎و!

دویمه نیوکه:

د حماسي صیب وینا د خپلې سیمې د اسلافو پر مناقبو را څرخیدہ. د ھیواد او ولس موجودو ستونزو ته پکېپاملرنه نه وہ شوې.

ماته په دې نیوکه کې یو څه حقیقت نغښتی ښکاري.

زموږ‎ ډیری علمای کرام چې لوړ‎ پوړي چارواکي‎ ھم وي او په دا شان غونډو کې برخه اخلي، دا تر ھیر وي چېداسې مجالسو ته په کوم حیثیت ورځي؛ د داعي، عالم او که د چارواکي په حیث؟

 ځکه دا ټول کردارونه یو تر بل توپیر لري، عربان وایي: لِكُلِّ مَقَامٍ مَقَالٌ !

کله کله علمای کرام په داسې ناستو کې چې ولس ترې د اجرائیوي رول د اداء کولو ھیله لري، خپلې ویناوې پهتوصیو، علمي مباحثو او ښیراو پیل او ختموي.

د بیلگې په توگه، که چارواکي ھم قانون ماتونکي د آخرت پر عذاب و ویروي، غله ته د خدای پر غضب د ککړ‎یدوښیراوې وکړ‎ي، نو ولس به د غله د لاس پریکولو او عدالت تأمینولو غوښتنه له چا څخه کوي؟!

درس:

حماسي صیب دې مجلس ته د یوہ چارواکي په توگه ورغلی و، نه د یوہ شیخ الحدیث په حیث؛ نو یې خبرې ھمباید د ااا په لاسته راوړ‎نو پیل او  بیا پر موجودو ستونزو را څرخیدلې وای او دا چې افغان دولت د نړ‎ۍ لهمسلمانانو څخه په کومو ډگرونو کې د څرنگ مرستې ھیلې لري؟

دریمه نیوکه

د حماسي صیب جرئت ته په دواړ‎و لاسونو سلام خو خبرو یې رسمي بڼه نه لرله.

داسې غږ‎ید لکه د کومې مدرسې په ټولگي کې چې تدریس کوي.

درس:

راځئ له دې نیوکې دا زدہ کړ‎و چې له دې پس په رسمي محافلو کې د لیکل شوي کاغذ له مخې وغږ‎یږ‎و.

په رسمي غونډو کې د لیکل شوي پیغام له لوستلو څخه دا جوتیږ‎ي چې موږ‎ یادې غونډې ته د یوہ تخطي شوېنخچې له مخې له یوہ منظم پلان سرہ راغلي یو چې دا عمل بیا په کارونو کې زموږ‎ د چارواکیو جدیت او پهورکړ‎ل شویو دندو کې ژمنتیا ثابتوي، ھمداراز د لیکل شوي پیغام د لوستلو له لارې د لفظي ښوئیدنو او نورواشتباھاتو کچه ھم ټیټیږ‎ي.

پایله

د اھل السنة و الجماعة د عقیدې له مخې پیغمبر علیه السلام د نړ‎ۍ اخري معصوم انسان و. تر ھغه علیه افضلالصلاة والسلام پس ھیڅ انسان معصوم نه دی.

د ھر چا څخه  اشتباہ او غلطي کیدای شي.

شیخ حماسي صیب، زموږ‎ نور علمای کرام او ان ‎ اسلاف مو ھم له دې حکم څخه مستثنا نه دي.

ځکه خو امام مالک رحمه الله د پیغمبر علیه السلام مبارک قبر ته په اشارہ ویلي و:

كلٌ يؤخذ من كلامه ويُرد عليه الا صاحب هذا القبر”  ( د ھر چا خبرہ سمه او غلطه کیدای شي بې د پیغمبر علیهالسلام له خبرې څخه).

لامل یې ھم د قرانکریم دا فرمودہ دہ چې وايي:

(وَ ما يَنْطِقُ عَنِ الْهَوى‌ إِنْ هُوَ إِلَّا وَحْيٌ يُوحى. الأیة.

اشتباھات او نیمگړ‎تیاوې بھترین معلم دی چې انسان ترې ښه زدہ کړ‎ہ کولای شي.

د بیلگې په توگه د حماسي صیب له وینا څخه د علمي زدہ کړ‎ې او پورته ذکر شویو درسونو  تر څنگ دا ھم زدہکولای شو چې زموږ‎ چارواکي مکلف نه دي په خارجي ژبو ویناوې وکړ‎ي، دا کار دې د ژبو ترجمانانو ته پریږ‎دي،دوی دې د ملت آواز تر نورو ورسوي.

د چارواکیو د ویناو موخه د ھغوی د ژبني مھارت ښکارہ کول نه دي بلکې د خپل ولس د ھیلو، غوښتنو او ارمانونود سر ته رسولو نخچې وړ‎اندې کول دي!

فاعتبروا…..

______________________________

حفیظ الدین پیرزادہ

د سپتمبر دریم، ۲۰۲۳ م

لندن

***************************************