نوې ډهلې کې د افغانستان سفارت دې هېواد کې د خپلو ټولو فعالیتونو د بندولو اعلان وکړ. د افغانستان سفارت په یوې اعلاميه کې د دې کار علت د هند حکومت نه ملاتړ یاد کړی دی.
په هند کې د افغانستان سفارت ويلي، چې د دې هېواد حکومت د نه پاملرنې له امله یې خپل ټول فعاليتونه بند کړل.
د افغانستان د سفارت په اعلاميه کې راغلي، چې تېرو شپږو میاشتو کې یې د هند د بهرنیو چارو وزارت ته څو ډیپلوماټیک یادښتونه استولي، خو د ستراتیژیکو همکاریو او نورو دوه اړخیزو تړونونو په ګډون یې هېڅ یوه معقوله غوښتنه په پام کې نه ده نیول شوې.
اعلاميه ټینګار کوي چې کابل کې د هند د سفارت له پرانېستلو وروسته دغه هېواد په ډهلې کې د افغانستان سفارت په سیستماتیک ډول له پامه غورځولی دی.
اعلاميه زياتوي: «د ډیپلوماټیک ماموریت د وضعیت په اړه د مهمو اندیښنو، تعلیمي نوښتونو، د قونسلګرۍ خدماتو څخه د ملاتړ، د بشري مرستو د تنظیم او د افغان سوداګرو لپاره د سوداګریزو مرستو په اړه د ډیرو غوښتنو سره سره، د اړونده ادارو لخوا هیڅ ګام نه دی اخیستل شوی او یا خورا محدود مرسته نه ده شوې.»
هند کې د افغانستان د سفارت مشري، د اوسني حکومت د دوه کلنې واکمنۍ پر مهال د پخواني ډيپلومات فريد ماموندزي په غاړه وې.
د جون میاشت کې داسې ګنګوسې خپرې شوې، چې ګواکې اوسني حکومت فريد ماموندزی لرې او پر ځای یې نوی سفیر معرفي کړی دی؛ خو هغه مهال ماموندزي په یوې ويډو کې دا ګنګوسې رد کړې او ویې ویل، چې هند تراوسه د افغانستان نوی حکومت په رسمیت نه دی پېژندلی او د تېر حکومت له خوا نومول شویو ډیپلوماټانو ته یې د کار د دوام اجازه ورکړې ده.
تر دې ګنکوسو وروسته د هند د بهرنيو چارو وزارت د سفارت پر سر د پخوانيو او اوسنيو ډيپلوماتانو تر منځ ناندرۍ د افغانستان داخلي موضوعات وبلل.
د هند حکومت تر اوسه د افغانستان د سفارت د تازه پرېکړې په اړه څه نه دي ويلي.
افغان پرس
***************************************
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.