د روغتیا نړېوال سازمان پر خپله ایکس پاڼه لیکلي ددغه سازمان د روغتیاپالانو په ډله کې ۲۱ ښځېنه ډاکټرانې، قابله ګانې او نرسان شامل دي.
سرچینه زیاتوي: «هغوی هرات ته رسېدلي چې د هرات زلزله ځپلو کلیو ته په ګرځنده روغتیايي ډلو کې میندو او ماشومانو ته روغتیايي خدمتونه ورسوي.»
له کابله ګومارل شوې دا روغیتايي ښځېنه کارکوونکې به د یوې اونۍ لپاره روغتیايي خدمتونو برخه کې کار وکړي.
زلزله ځپلو سره د جاپان مرستې
هاخوا په کابل کې د جاپان سفارت ویلي نن شنبې (د ۲۰۲۳ میلادي کال د اکتوبر ۱۴مه) د جایکا بیړنیو مرستو جوپه کابل ته رسېدلې: «د جایکا بیړنیو مرستو له ډلې خیمې، کمپلې، د خوب توشکې او نور د کابل نړېوال هوايي ډګر ته رسېدلي او د سره صلیب نړېوال فدراسیون او د سرې میاشتې ټولنې ته سپارل شوي دي.»
جایکا JICA یا د جاپان نړېوالې همکارۍ اداره په نړېواله کچه په پرمختیايي او بشري خوندېتابه برخو کې کار کوي.
د جاپان سفارت وايي، دا مرستې به ډېرژر مصیبت ځپلو خلکو ته ورسول شي. د سفارت په وینا جاپان د افغانستان له خلکو ملاتړ ته دوام ورکوي.
تردې وړاندې د امریکا د ۱۲ میلیونه ډالرو په ګډون یوشمېر نورو هېوادونو او مرستندویه بنسټونو هم د افغانستان زلزله ځپلو سره د مرستو ټټر وهلی.
ولسي مرستې
د مرستو په لړ په ولسي کچه هم د هرات زلزله ځپلو سره په کور دننه او بهر د مرستو راټولولو کمپاینونه روان دي خو د طالبانو پېښو ته د رسېدو چارو وزارت اعلان کړی چې ددغه وزارت له همغږۍ پرته هیڅوک د مرستو ټولولو اجازه نه لري.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.