د افغانستان ۲۵ ولایتونو کې د درنې واورې ورېدو اټکل شوی

118

واوره

د عکس سرچینه،GETTY IMAGES

په افغانستان کې د هوا پېژندنې ادارې نن په ۲۵ ولایتونو کې د درنې واورې د ورېدو اټکل کړی دی.

د واورې له کبله بامیان، غور، غزني او ځینو نورو ولایتونو ته د غځېدلو لورو لارو د بندېدو رپوټونه هم ورکړل شوي چې ځینې یې بېرته د ترافیکو پر مخ پرانستل شوې دي.

په افغانستان کې سږ کال ژمی تر ډېره بې واورې و چې له کبله یې د وچکالۍ په اړه اندېښنې ډېرې شوې دي، خو وروستیو کې د افغانستان ډېری ولایتونو کې ښه ورښتونه شوي. ځینو ولایتونو کې ډېرې واورې ورېدلې او ځینو کې بارانونه شوي.

افغانستان کې د هوا پېژندنې ادارې نن چارشنبه هم لږ تر لږه ۲۵ ولایتونو کې د پراخو ورښتونو اټکل کړی دی.

د طالبانو حکومت د اوبو او انرژۍ وزارت بیا پرون په یوه خبرپاڼه کې نن او سبا د سېلابونو او د سندونو د اوبو د کچې د لوړوالي خبر ورکړی.

دې وزارت په یوه بیان کې په ځانګړې توګه د هلمند، کابل، کونړ، لوګر، پنجشېر، غزني، پکتیکا، پکتیا او فراه ولایتونو کې د سندونو د اوبود کچې لوړېدو او سېلابونو راوتلو په اړه خبرداری ورکړی.

د ورښتونو روانه څه د سالنګ، بامیان، غور او غزني کې د لویو لاریو د بندېدو لامل شوې ده. د کابل- کندهار لویه لار هم د څه وخت لپاره تړل شوې وه خو بېرته خلاصه شوې ده.

تازه د طالبانو تر واک لاندې باخترخبري اژانس پر اېکس (ټوېټر) لیکلي، “د سالنګ لویه لاره چې دوې ورځې وړاندې د واورو له امله د ترافیکو پر مخ تړل شوې وه، نن سهار بېرته خلاصه شوه. په ورته وخت کې د بامیانو د ټولګټو چارو ریاست ویلي چې د دغه ولایت د ولسوالیو لارې چې د ورښتونو له امله تړل شوې وې، بېرته پرانیستل شوې دي”.

دغه راز په څو ولایتونو کې ولسوالیو ته د غځېدلو لارو د بندېدو خبر ورکړل شوی دی.

واوره

د عکس سرچینه،GETTY IMAGES

وړاندې، د طالبانو حکومت کې د ټولګټو وزارت چارواکو ویلي وو د سالنګ لویې لارې د پرانستل کېدو لپاره هڅې روانې دي.

کارپوهان وايي سږ کال ژمی د بې واورې او ورښتونو په وروستیو اونیو کې وروستۍ څپه ښايي د څو کلونو پیل شوې وچکالۍ د کمېدو برخه کې له ځان سره ښه زېری ولري.

که له یوې خوا ورښتونه د وچکالۍ د اغېزو کمولو لپاره ښه بلل شوي، خو له بلې خوا د ډېرو بې وزله کورنیو لپاره د سړې هوا او ورښتونو دا څپه د لویې اندېښنې خبره ده، په تېره هغوی چې په خېمو کې اوسېږي، لکه د هرات زلزله ځپلې کورنۍ چې د ډېرو لږو امکاناتو په لرلو په خېمو کې شپې او ورځې تېروي.

بزګران هم د سړې هوا او ورښتونو دا څپه د کروندو په خیر نه ګڼي. دوی وايي ونې او کرل شوې غنې دانې ښايي یخ ووهي او راتلونکی کال ښه حاصل ور نه کړي.

بی بی سی/ پښتو

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.