د هند د فلمي نړۍ “نه ستړي کېدونکي” نومیالي پښتانه

اسرار عالم مومند

168

د پاکستان حکومت په پېښور کې د هند د فلمونو نومیالي ستوري دلیپ کمار – چې اصلي نوم یې یوسف خان دی – کور ملي یا قامي میراث ګرځولی دی. دی شاوخوا ۸۰ کاله مخکې له پېښوره ممبۍ ته تللی وو. هغه مهال د ده عمر ۱۲ کاله وو.
نه یوازې دلیپ کمار بلکې یو شمېر پښتانه دا مهال د هند پر فلمي نړۍ یا بالي ووډ پاچاهي (راج) کوي.

د هندي فلمونو بل ستوری شاه رخ خان په ټوله نړۍ کې نوم لري او فلمونه یې په یو شمېر ژبو ژباړل شوي دي.

د هند له سټار پلس ټیلي وېژن سره د خبرو پر وخت شاه رخ خان وویل، دی پښتون دی:

((زه تاسې ته یوه خبره کول غواړم. زما پلار د پېښور دی. زه هم پښتون یم. ښکاري نه، خو زه هم پښتون یم. کله چې د پاکستان کرکټ لوبډله سیالي یا میچ وګټي نو زه وایم، د پلار خوا مې لوبه وګټله او کله چې هند لوبه وګټي نو زه وایم د مور جانې خوا مې بریالۍ شوه.))

دا چې نور څومره پښتانه د هند په فلمونو کې کار کوي؟ په اړه مې په کابل کې له لیکوال محبوب الله خان سره خبرې وکړې. ده د ((خانان په بالي ووډ کې)) په نوم یو کتاب لیکلی دی او له یو شمېر هندي فلمي ستورو سره یې مرکې کړې دي.

ده مشال راډيو ته وویل، ((د سلمان خان کورنۍ [شاوخوا] ۲۰۰ کاله مخکې د خیبر پښتونخوا له سواته هند ته تللې وه. دوی په اصل کې یوسفزي دي. د سلمان خان پلار سلیم خان نومېده. هغه له بوپاله ممبۍ ته [په فلمونو کې د کار کولو] لپاره ورغلی وو. د دې تر څنګ، بله کورنۍ د شاه رخ خان ده چې اوسمهال یې هم د پلار خور (ترور) په پېښور کې اوسېږي. یوه بله مهمه کورنۍ د امجد خان کورنۍ ده چې له پېښوره ورغلي ول. بله کورنۍ د راج کپور کورنۍ ده چې دا دی څلورم، یا پینځم نسل یې [د فلمونو په صنعت] کې دی. هغوی هم ځان ته پښتانه وايي. نو داسې لسګونه کورنۍ دي چې ځانته ته پښتانه وايي.))

محبوب د هندي فلمونو له ستوري قادر خان سره مرکه کړې ده چې پکې قادر خان وايي، په کابل کې زېږېدلی دی او اصلاً کاکړ دی: ((زه په کابل کې زېږېدلی یم. کله چې زما دوه مشران وروڼه مړه شول نو مور ته مې چا وویل چې دا ځای پر تاسو ښه نه دی راغلی نو موږ هندوستان ته ولاړو. موږ ډېر غریبان وو. د ممبۍ په یوه ډېره ګنده یا ناولې سیمه کې اوسېدو. هلته مو ژوند پیل کړ. بیا ما تعلیم وکړ او فلمونو ته ولاړم. مور مې د پښین ده او پلار مې د کندهار دی. موږ کاکړان یو.))

محبوب الله خان په خپل کتاب کې د هند پر فلمي نړۍ د پښتنو پر اغېز او د رول په اړه لیکل کړي.

دی وايي: ((عامر خان، سلمان خان، شاه رخ خان او داسې یو شمېر نور نومونه دي چې که له هندي فلمي نړۍ لرې کړل شي نو هلته نور هېڅ نه پاتې کېږي.))

د پښتو فلمونو ستوری امان چې په نوم یې په پېښور کې یوه سینما هم وه، وايي، که له هندي فلمونو پښتانه ووځي نو هلته نور څه نشته: ((خدای دې نه کړي چې پښتانه له بالي ووډه ووځي. خو که چېرې دوی تر ولاړ شي نو که ټوله نه وي نو [۵۰ فیصده] هندي فلمي نړۍ به پر ځای کښېني. عامر خان ته په یوه پروګرام کې یو چا وویل، تاسې چا ته ځای نه ورکوئ. نو هغه ورته وویل، موږ خو د چا مخه نه ده نیولې. څوک دې راشي او زموږ ځای دې ونیسي.))

د پاکستان نومیالی اداکار فردوس جمال چې د پېښور دی وايي، پښتانه خواريکښ دي او چې چېرې هم وي د پرمختګ هڅه کوي.

د ده په خبره، که په پاکستان کې حکومتونو فلمي صنعت ته په سمه توګه پاملرنه کړې وای نو اوس به پېښور او کوټه هم له ممبۍ شاته نه وای.

فردوس جمال وايي، په پاکستان کې د ناامنۍ په روانو حالاتو کې هم یوازې د پښتنو فلمونه جوړېږي.

نوموړی زیاتوي، که دا فلمونه ښه دي او که خراب، خو د دې خبرې ښکارندويي کوي چې پښتون په طبیعي یا فطرتي توګه نرم مزاجه، خواريکښ او نه ستړی کېدونکی دی.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.