د لارښوونکيو لپاره لارښود اثر/ پوهنيار سيداصغر هاشمي

0 1,049

په نړۍ کې انسانانو ته ډېر کتابونه پوهې او علم انتقال لپاره ليکل کېږي او په ځانګړي ډول د ژوند رهنمايي ورته کوي خو ځينې داسې اثار شته چې د ډېر علم انتقال پر ځای هغه کسان چې کتابونه ليکلي او يا په اثارو کې د رهنما په ډول خلکو ته لارښوونې کوي، دا اثر ورته لارې چارې ښيي.

دغه اثر(د تدريس زده کړه) لارښوونکيو ته لارښوونه کوي او په دې تاکېد کوي چې زده کړه بايد کوم ډول انتقال شي.

الله تعالی انسانان ډول ډول پيدا کړي دي، امکان لري چې يو کس ډير ټيټ قد، خراب اواز او يا داسې نور….. ولري. معاصرې ښوونې او روزنې د لارښوونکيو لپاره چې کومې ځانګړنې مهمې ګڼلي په ځينو کې نشته، سمه ده چې د لارښوونکي بېروني جوړښت بايد سم وي خو دا چې دا واک د انسان په لاس کې نه دی نو ګرم هم نه دی خو ځينې مسايل دي چې د ښه لارښود لپاره مهم دي او په ځينو لارښوونکيوکې نشته. لکه:

په خپل وخت ټولګې ته راتګ، په موضوع حاکميت، عدالت او انصاف درلودل، تعصب نه کول، په امتحان او نومرو کې له برابرۍ کار اخيستل، رشوت نه اخيستل، د شاګردانوسوالونو ته ځواب ورکول، له شاګردانو سره سمه رويه کول او داسې نور…

ځينې استادان شته چې په صنف کې په محصلانو بېلابېل نومونه ږدي چې دا نومونه ايښودل د انسان په شخصيت بد تاثير کوي او د اسلام له نظره هم سم کار نه دی.

معلم يوه خاصه دنده ده چې عالمان روزي او د دوی کړه وړه نېغ په نېغه د شاګردانو په خوی او عادتونو تاثير لري.

د سيدجمال الدين افغان پوهنتون، د ارواپوهنې د څانګې محصلانو کړو وړو کې ډېرې مثبتې نقطې مې وليدې چې اصلي دليل يې د څانګې  استادان دي.

کله چې خپل زوی ته د واده لپاره نجلۍ ټاکو نو د نجلۍ کورنۍ مطالعه کوو، ځکه چې د کورنۍ ټول کړه وړه په انسانانوتاثيرات لري، استاد هم د صنف د شاګرانو معنوي پلار دی او د ده ټول کړه وړه پرې مثبت او منفي تاثيرات درلودای شي.

معلمان دي چې عالمان روزي. د معلم او عالم توپير په دې کې دی چې هر عالم معلم کېدای نه شي خو هر معلم عالم کېدای شي، يعنې معلم خاص او عالم عام وي نو د ښه عالمانو درلودلو لپاره په لومړي قدم کې ښه معلمان درلول اړين دي، ځکه چې د ټولو ښه عالمانو معنوي پلرونه معلمان دي.

د معلم او عالم کلمې يو د بل لپاره اړين او نه بېليدونکي دي.يو معلم بايد عالم وي او هر عالم که معلم نه وي باک يې نشته.

علم او پوهه ارزښتناکه سرمايه ده، خو له دې پوهې نه د تدريس پر وخت ښه او پرځای استفاده کول د يو ښه معلم کار دی.

په نړۍ کې ډېر عالمان تېر شوي دي،لکه: افلاطون، ارسطو، سقراط، بقراط او داسې نور په سلګونو، دوی ټول سره له دې چې نامتو فيلسوفان او پوهان د نړۍ دي خو ښه لارښوونکي ورته ويلای نه شو.

په ټولې نړۍ کې ارواپوهنه د يو بنسټيز مسلک په ډول په ټولو پوهنځيو کې تدريسيږي ځکه چې د هر پوهنځي فارغ التحصيل بايد د زده کړې د لاس ته راوړلو سره سره د ټولنې يو ښه لارښوونکی وي.

رسول الله صلی الله عليه وسلم بهترين معلم وه نو له همدې امله دا ډېره بهترينه دنده ده او ټولو ښو لارښوونکيو ته د دې دندې مبارکي وايم.

په پای کې د ښوونې او روزنې پوهنځي، د مسلکي تعليماتو څانګې استاد پوهنيار راز محمد فيضي ته د اثر د چاپ مبارکي وايم او د الله تعالی له درباره ورته د نور علمي کار صلاحيت، قوت او په زړه کې مينه غواړم.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply