له مرګ نه ولې ووېرېږو؟- مهاتما ګاندي/ ژباړن: حیات الله ژوند

0 1,730

امري لعل ټاکور د کرېشنا چندرا نایک په نوم د يوه ځوان په اړه ليکلي، چې د کار پر مهال مار وچيچه او ومړ. د دغه ملګري کورنۍ ته باید تسلیت وویل شي؛ خو زه شخصاً د دغه ملګري کورنۍ ته د تسلیت پرځای مبارکي ويل غوره ګڼم.

زه غوره ګڼم، چې د یوه تږي د تږوالي د له منځه وړلو په هڅه کې مې دې مار وچيچي، نه چې د اسهال په ناروغۍ ومرم. د اسهال په ناروغۍ اخته کېدل به ښايي زما د ګناهونو پایله وي. ښايي په مار چيچل به مې هم د ګناهونو پایله وي. که زه د روا او نېک کار پر مهال د داسې پېښې له امله وهم مرم، تر مرګ وروسته به نېکمرغي راته سترګې په لار وي؛ نو له داسې مرګ سره مخامخ کېدل مې د نېکبختۍ له امله ګڼم.

موږ ټول باید د چندرا نایک پر مرګ باندې د خپګان پرځای او د دغه کار ستونزمن او خطرناک ګڼلو او ترې د سرغړونې پرځای د داسې مرګ چې د نایک په نصیب شوی، خوښ اوسو.

له مرګ نه وهم

په هند کې تر نورو هېوادونو د مرګ وېره ډېره محسوسېږي، دلته باید د دې خبرې سرچپه حالت واوسي. زموږ عقیده ده، چې اتمن (atman) یعنې روح تلپاتې دی. جسم هر شېبه د فنا په خوله کې وینو.

که خبره داسې ده، نو له مرګ نه ولې وېرېږو؟ که یو ماشوم مري، ولې پر دې باوري ونه اوسو، چې له اجل سره د وعدې پر اساس له نړۍ کوچېدلی دی؟ نو د مرګ وېره مو باید زړه ته لاره ونه کړي. دا زموږ وهم نه دی، چې که ووایو، ماشوم بې وخته مړ شوی؟ موږ ته دارما (پر کایناتو واکمن قانون) نه راښيي، چې هر مرګ په خپل وخت پېښېږي؟ له مرګ نه وېره باید له خپل ذهن څخه وتوږو.

د انسان رښتینې هڅه

دا ډول باور د انسان لازمي هڅې له منځه نه وړي، مرګ که نن راشي که سبا.

د انسان لازمي هڅې_له دې پرته چې د مرګ وېره مو په زړه کې ځای ونيسي_ دارما ته ژمن پاتې کېدل او د خپلو دندو ترسراوی دی. که داسې وکړو، د نه زغم له کمزورۍ ځان ژغوری او له ډېرو ګناوو څخه ځان ساتلی شو.  پر دارما او پر اړوندو مسایلو يې اعتقاد د بې پروايۍ او لټۍ مخه نيسي، چې له مخې يې تل خپل کارونه په خپل وخت کوو او له مرګ نه د وېرې فکر زړه ته نه پرېږو.  

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply