جمعیت اسلامي امتیاز غواړي /حلیم حیدری

ولسمشر ته پکار و چې د صلاح الدین ربانی له صلب صلاحیتیدو سره سم یې بهرنیو چارو وزارت ته یو وړ شخص ورپيژندلی وای په دې اړه ولسمشر ته چا ګوته هم نه شوه نیولی ځکه چې نوموړی د پارلمان لخوا صلب صلاحیت شوی و او د نوموړي څخه د صلاحیت يه اخیستو کې استاذ عطا هم له خپل نفوذ څخه کار اخیستی و چې تر څو وښیي چې هغه نفوذ نلري نو د جمعیت د رهبري وړتیا هم نلري خو له بده مرغه دا کار په خپل وخت ونشو راځو د خپل خبرې ته چې د جمعیت اسلامي ګوند نوې غوښتنې دي :

د حزب اسلامي سره سولې جمعیت ډېر اندیښمن کړی دی ځکه چې د حکمتیار صیب ته د ښه راغلاست په موخه چې کومه جلسه  حزب اسلامي ترتیب کړې وه پکې له ورایه ښکاریده چې حزب اسلامي د یو قوم رهبر نه دی بلکې یو افغان شموله ګوند دی نو له دې کبله دوی ورځ په ورځ په قدرت کې د پاتې کیدو په موخه نوې دسیسې جوړوي د استاذ عطامحمد نور او ورپسې د صلاح الدین رباني له خبرو ښکاره څرګندیږي چې هغوی نه د تظاهراتو د ورځې د شهیدانو قاتلان په کار دي  نه یې امنیتي سمون پکار دی ځکه چې اوسني وضعیت ټولو درک کړی دی چې د اوسني حکومت بدیل له چا سره نشته دی .

جمعیت اسلامي هم د وضعیت د سمون په خاطر کومه جامع طرحه نلري او اوسنی حکومت یې په پښتونپالنه تورن کړی دی چې همدا یې د زړه خبره ده ، دا نورې کومې خبرې چې کوي یې تش پلمي دې . کرزی صیب دې الله تر ډېره ژوندی لري دوی یې په داسې مړۍ عادت کړي چې له هغې نه په کمه مړۍ هېڅ نه راضي کیږي . عطامحمد نور د خپل په خبرو کې زیاته کړه چې هغوی د دولت سقوط نه غواړي او دولت نه تضعیفوي .

ځکه چې هغه پوهیږي که د قدرت تشه راځي نو دا تشه به د دولت مخالفین ډکوي نه جمعیت اسلامي چې ، دا هغه څه دي چې د جمعیت اسلامي مسؤولین یې هېڅ نشی زغملی ځکه چې بیا به د هېواد پرېښودو ته اړ شي او په میلیونونو دالرو په بیه ملکیتونه ترې پاتې شي . د پخوا په شان دوی د هېواد د تجزیې خبره هم نشي کولی ځکه چې شمال ته د طالبانو نفوذ د افغانستان د تجزیې د خطر احتمال صفر ته رسولی دی .

د طالبانو پلوي نه کووم ډېر د کار خلک یې راته شهیدان کړي دي خو دا یو حقیقت دی هدف مې له دې لیکنې څخه دا دی چې دولت باید پوه شي چې جمعیت نور هېڅ خطر نشي رامینځته کولی تش غواړي چې په قدرت کې پاتې شي او بس . بله خبره چې غواړم په ډاګه یې کړم په تاجک قوم کې له جمعیت پرته ښه وړ او وطنپال خلک شته چې د اختلاس او غلا سره مینه نلري که سبا له دندې لرې هم شي مني یې او دولت په قومپالنې نه تورنوي دولت کولی شي د جمعیت تشه په هغو پوره کړي .

حلیم حیدری