وطن پالنه یوازې په شعار نه ده او نه هم د شعار غوندې اسانه، ځکه وطن پالنه صداقت، زحمت او لوی نېت غواړي. داسې نېت چې یوازې د ځان او کورنۍ په فکر کې نه وې، بلکې د وطن پالنې حکم همدا دی چې له دغې کوچنۍ دایرې باید د وطن د غېږې غوندې لویه او پراخه دایره په پام کې ونیسي او څه چې کوې په همدې فکر یې وکړې چې ټولو وطنوالو ته یې خیر ورسېږي.
وطن پالنه همدا حکم کوي چې ملي ګټې به تر شخصي ګټو غوره او معتبره بولې او که یې اړتیا شوه، خپلې وړې او شخصي ګټې او غوښتنې به د ملي ګټو نذرانه کوې، خو د دې لپاره یوازې په خوله او ژبه بیان او اقرار بسنه نه کوي، بلکې دا درنه عمل غواړي. یانې ته به عملاً نورو ته دا په ثبات رسوې چې وطن او د وطن ګټې درته تر هر څه ښاغلې او معتبرې دي.
وطن پالنه په زمان، مکان، وسله واله دفاع او سرښندنه پورې هم محدوده نه ده. یانې داسې نه ده چې که کوم وخت کوم بهرني زبرځواک ستا پر هېواد وسله وال برید وکړ، نو د دفاع لپاره یې باید وسلې ته لاس کړې او کله چې هغه برید او تهدید دفعه شو، نو ستا د وطن پالنې مسوولیت او مکلفیت پرځای شو.
وطن پالنه همېشنۍ دنده او مسوولیت دی او دغه مسوولیت درنه هر وخت او په هر ځای کې سرښندنه او پاملرنه غواړي. سرښندنه یوازې د ځان نذرانه کولو باندې نه خلاصه کېږي، بلکې سرښندنه دا مانا چې ته به د وطن پالنې لپاره د خپل فکر، وخت، فرصتونو، امکاناتو، انرژۍ، توجه، تمرکز او هر څه نذرانه کوې.
وطن پالنه یوازې په کومې ځانګړې دندې، لباس او یونیفورم پورې هم محدوده نه ده. یانې داسې نه ده چې دا یوازې د امنیتي او دفاعي ځواکونو مکلفیت دی او یا یوازې د هغه چا کار دی چې د دولت مامور او تنخوا خور دی.
وطن پالنه له موږ ټولو څخه دا غواړي چې موږ هر یو په خپلو برخو کې د خپلو خلکو او هېواد لپاره صادقانه کار وکړو. له بزګره نیولې، تر هټیوال، د کلي ملا امام، مامور، ډاکټر، موټرچلوونکي، ښوونکي، ولسوال، ښاروال او بل هر لوستي او نالوستي هېوادوال ته ښایي چې ورځنۍ چارې ښې، په ایماندارۍ او دې نېت ترسره کړي چې ټولو ته یې خیر ورسېږي.
که چېرې موږ ټول په ټوله مانا خپلې ورځنۍ رسمي او نارسمي چارې د هېواد او ولس خیر، فلاح او ګټو ته په پام ترسره کړو، نو باور دی چې موږ به رښتیني وطن پالان او د وطن مئیان یوو. موږ به بیا هغه ولس یوو چې د بدمرغۍ مخ به هم ونه ګورو او له ټولو هغو جنجالونو او کشالو څخه چې اوس په کې ایسار یوو او ورڅخه ځورېږو په بریالیتوب به ورڅخه راووځو.
موږ به بیا هغه مهال رښتینی سرلوړی او بریالی ملت یوو. داسې ملت چې پر ځان د ویاړلو حقدار به واوسو، ځکه چې نه به مو بل ته د ګدایۍ لاس غځېدلی وي. نه به د خپلو ستونزو د حل لپاره د نورو امکاناتو او لاسنیوي ته سترګې په لار یوو او نه به هم د نورو په اشارو او لمسون خپل ګران هېواد ویجاړو او نه به هم د خپل تن، وجود او هېوادوالو د بدمرغه کولو په فکر کې یوو.
هغه مهال به یوازې او یوازې د خپل هېواد او ولس د هوساینې، سوکالۍ، نېکمرغۍ او پرمختګ په فکر کې یوو او دا تر ټولو عالي او انساني فکرونه دي چې له امله به یې موږ ښېرازه او وطن به مو اباد شي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
