یو لېوه د غره لمن کي وږی تږی
له ستړتیا یې خوږېدی په نس کي سږی
څو شپې ورځي وو په غره کي ګرځېدلی
وږي نس ته یې لا ښکار نه وو میندلی
ګرځېدلی وو پر ونو او پر ژر ګو
سپینه ورځ یې توره شپه لیده په سترګو
یوه سوی وه راوتلې له خپل غاره
برابره یې قسمت کړه پر ده لاره
په یوه حمله یې پورته کړه له مځکي
په غاښونو یې ورمات کړله هډوکي
یوهډوکی یې د پښې وو که د ملا وو
رسېدلی د لېوه په ځان بلاوو
دا هډوکی د لېوه ستوني کي بند سو
پوري زهر د خپل ښکار د غوښو خوند سو
نه تر ستوني یې سو کښته تېرولالی
نه په زرو یې سو د باندي را ایستلای
لېوه جوړي په ځنګله کي کړې رمباړي
مرګ له خدایه په زاریو ځانته غواړي
کښته پورته یې ځغستله لاندي باندي
خوله یې خلاصه دواړي سترګي یې ژړاندي
چي پر ستوني به یې زور وکړ یو نوکی
ښخېدی به یې په غوښو کي هډوکی
له ناکامه د قسمت په انتظار سو
وازه خوله د مرګ راتللو ته تیار سو
له رمباړو له زګېروي څخه سو ستړی
یوه سیوري ته دمه سو لکه مړی
له هوا یوه کومول کښته کتله
د رنځور لېوه ژړا یې اورېدله
کښته راغی ورته کښېنستی پر مځکه
ویل راسه پر لېوه پوښتنه وکه
ورو په ورو د لېوه خواته ور نیژدې سو
ور شریک یې په زګېروي په اندېښنې سو
په زګېروي لېوه ورږغ کړله چي وروره
سوځوي مي د خپل ستوني درد بې اوره
که دي دا هډوکی وکېښ زما له ستوني
انعامونه درکومه په سل ګوني
نه یوازي به دي دا احسان منمه
نعمتونه انعامونه درکومه
کومول زړه نا زړه سو تېر له سر او تنه
د لېوه ستوني ته سر یې کړ دننه
د عذاب علت یې کش کړ په مشوکي
د لېوه ستونی فارغ سو له هډوکي
د ده سترګي سولې خلاصې ژوند یې سم سو
کومول هم د څه انعام لپاره تم سو
ویل خلاص مي کړې له غمه انعام څه دی
پر خپل قول درېدل خوی د مېړه دی
د لېوه سترګي سوې سرې په غړومبېدو سو
لا کومول ته په غوسه په خروښېدو سو
ویل پوه لا د ژوندون په قانون نه یې
ته کم عقل ته کومول څومره ساده یې
ته احمق یې خو له بخته ګړندی یې
چي لا ګرځې پر دنیا باندي ژوندی یې
زما له ستوني سلامت سر دي ایستلی
دا احسان دي لا پر ځان نه دی منلی
ستا پستو غوښو ته اوس مي هم زړه کیږي
بختور یې چي مي ستونی لا خوږیږي
ایله عقل د کومول ورغی سرته
غوږ یې ونیوی منطق د زورور ته
د نېکۍ او د احسان خبري ښې دي
پر غوږونو ښې لګېږي او خوږې دي
خو هر غوږ نه وي لایق د دې خبرو
احسان نه مني قانون د زورورو
د احتیاج په ورځ د هر سړي غلام وي
له احتیاجه چي سي خلاص بادار د قام وي.
د ۲۰۱۹ کال د فبروري لسمه، ویرجینیا
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
