ته لمبه زه دي بورا یم رقیبان را خبر نه سي
پټ په زړه کي به دي ستا یم چي جهان را خبر نه سي
په تندي کي به یې وړمه تر محشره تور د میني
په سجده کي یې نوم وایم ملایان را خبر نه سي
ماته مه تویوه اوښکي زما له اور سره خپلوي ده
زه په خپله لمبه پایم پتنګان را خبر نه سي
له لېمو مي سفر وکړ لوری نه را معلومیږي
لکه اوښکه بې پروا یم چي ګرېوان را خبر نه سي
ژر لا مه راځه مرګیه لا په غېږ کي غوټۍ وړمه
نن په پټه خوله ګویا یم چي خزان را خبر نه سي
ماتي کړي مي توبې دي بیا د خُم څنګ ته درځمه
چا ویل چي زه بسیا یم حریفان را خبر نه سي
په سکروټو کي درځمه د سیالیو له غیرته
بس دا یو زه دي رسوا یم عاشقان را خبر نه سي
دا یوه شېبه مي پرېږده خپل خیالونه زنګومه
د بدرۍ په خوب لګیایم ترابان را خبر نه سي
زما له شوره به شنوا سي د کاڼه فلک غوږونه
چي ژوندون وي زه به پایم غلیمان را خبر نه سي
ستا د نوم له برکته جهاني لیکم نظمونه
د غزل د ښار پاچا یم شاعران را خبر نه سي.
د ۲۰۲۴ کال د مارچ د میاشتي پنځه ویشتمه. ویرجینا.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.