د کرونا ویروس د هوا په قطرو کې چې د ناروغ کس له خولې راوځي څو ساعته او د ځمکې پرمخ او وسایلو کې تر څو ورځو پورې ژوندی پاتې کیږي او د ناروغۍ سبب کیږي.
د امریکا د متحده ایالاتو د روغتیا د ملي انستیتوت د پوهانو د څیړنو نتیجو ښودلې چې د کرونا ویروس د ناروغ سړي د خولې نه د راوتلې هوا په څپو کې لږ تر لږه تر څو ساعتونو پورې په هوا کې ژوندی پاته کیږي او که دغه قطرې پر ځمکه او شیانو باندې پریوزي ویروس تر څو ورځو پورې ژوندی پاتې کیږي او کولای شي چې د ناروغۍ سبب شي.
پوهانو پدغه څیړنه کې چې د نیوانګلند په ژورنال کې چاپ شوې موندلي دي چې کروناویروس د پلاستیکي وسایلو اوسپنې او فولادو پر سطحه باندې تر دریو ورځو پورې ژوندی پاته کیږي.
پوهانو همداشان موندلي چې کروناویروس د کاغذي وسایلو پر سطحه باندې لکه کارتن او کاغذي صندوق باندې تر ۲۴ ساعتونو پورې او د مسي وسایلو پر سطحه باندې یواځې څلور ساعته ژوندی پاته کیږي.
د نوې څیړنې موندنو ښودلې چې له ۶۶ دقیقو وروسته په هوایي قطراتو کې موجود کروناویروس د مرض د تولید وړتیا راکمیږي پدې معنی چې د ویروس نیمایي غیر فعاله کیږي او پدې توګه د د ۶۶ دقیقو په تیریدو سره یواځې ۲۵ فیصده ویروس فعال پاته کیږي او د دریم ځل ۶۶ دقیقو له تیریدو وروسته دغه ویروس صرف ۱۲ فیصده فعال وي.
په همدې توګه د نوې څیړنې له مخې د اوسپنې او د زنګ وهلو ضد فولادو پر سطحه باندې په پنځو ساعتونو او ۳۸ دقیقو کې د کروناویروس غیر فعال کیږي او د پلاستیک او پلاستیکي شیانو پر سطحه باندې د ویروس نیمایي اجزاوی په شپږ ساعتونو او ۴۹ دقیقو کې خپل فعالیت له لاسه ورکوي.
د روغتیا نړیوال سازمان ویلي چې د چهارشنبې تر ورځې مارچ ۱۸ پورې کروناویروس د نړۍ ۱۶۴ هیوادونو ته پراخ شوی او څه دپاسه ۱۹۴ زره کسان پرې اخته شوي دي چې له دې جملې نه ۷۸۷۳ تنه یې ددې ناروغۍ په وجه مړه شوي دي.
د کروناویروس د پراخیدو د مخنیوي لپاره د امریکا د متحده ایالاتو په ګډون د نړۍ زیات شمیر هیوادونو بیړنی حالت اعلان کړی او د ایټالیا او فرانسې په څیر یو شمیر هیوادونو د قرنطین حالت غوره کړی دی.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
