وروسته له هغه چې په پښتونخوا کې پي ټي ايم پراخې ريښې وغځولې او د پاکستاني استخباراتو ګڼې پروژې او برنامې يې خنثی کړې، اوس ای ايس ای پروګرام پيل کړی چې په پښتونخوا او وزيرستان کې يو شمېر پښتانه نفوذي کسان رامخ ته کړي او د پي ټي ايم مخه پرې ونیسي.
![](http://www.dawatmedia24.com/wp-content/uploads/2020/06/shahed-afridi-300x262.jpg)
پرون له يوې خوا په واڼه کې طالبانو ته د وزيرستان د سپارلو لپاره پاکستاني ځواکونو جرګه رابللې وه او له بلې خوا يې د پاکستان د کرکټ لوبغاړی او پاکستاني استخباراتو سره د نږدې اړيکو لرونکې کورنۍ غړی شاهد افريدي قلعه سيف الله ته چې د اکثريت پښتنو د اوسېدو سيمه ده بوتللی و او هلته يې پښتنو ته د راشن يا خوراکي توکو د وېش پروګرام پيل کړ، خو په وزيرستان کې خبريال اسمعيل داوړ وايي:« په شاهد افريدي د پوځ مستقيمه پانګونه روانه ده او د هغوی په بدرګه قلعه سيف الله ته راغلی و.»
خو نوموړی وايي، په دې پروګرام کې ګډوډي رامنځته شوه او ډېری خلکو د پوځ خلاف شعارونه ورکړل او ويل يې، موږ د خوراکي توکو پر ځای امنيت غواړو او دغه مرستې د نورو اهدافو لپاره کېږي.
د غونډې يو ګډونوال ترين خان کاکړ خبريال اسمعيل داوړ ته ويلي: «موږ پوهېږو چې رياست په قلعه سيف الله کې څه پروګرامونه لري، خو يوه خبره په ډاډ کوو چې قلعه سيف الله د خان زمان کاکړ په شان د مبارزينو سيمه ده او دلته د پنجاب پروژې نشي بريالۍ کېدای.»
په دې وروستيو کې شاهد افريدي د پوځيانو په ملتيا په ګڼو برنامو کې راڅرګندېږي او تر کرکټ زيات په سياست کې ښکېل شوی دی.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320