پاکستان د طالبانو لپاره د ځانمرګو فابریکه ده

نویداحمد څرک

0 652

دا ښکاره ده چې په افغانستان کې طالبان دومره کسان د ځانمرګو بریدونو لپاره نه شي روزلی او نه شي چمتو کولی، څومره چې پاکستان کې ځوان نسل په یوه او بله پلمه باندې ځانمرګو بریدونه ته چمتو کیږي.

د دې څو لاملونه دي چې پاکستان د طالبانو لپاره د ځانمرګو د تولید فابریکې ګرځيدلې ده.

لومړی دا چې طالبان او د پاکستان استخبارات له هغو ځوانانو ناسمه ګټنه کوي چې له افغانستان څخه پاکستان ته د دیني زده کړو لپاره تللي وي.

دویم دا چې درې میلیونه افغانان د پاکستان بیلابیلو ښارونو کې اوسیږي او زیات شمېر یې ببلابیل مجبوریتونه لري چې د پاکستان استخبارات ترې د ځان د ګټو لپاره کار اخلي او د دې ګټو د تطبیق وسیله طالبان دي.

دریم دا چې پاکستان په ټولو ښارونو کې لوی او کوچنۍ مدرسې په خپل مدیریت کې اخیستي او د دې مدرسو مشران د پاکستان د استخباراتو یا ای ایس ای په مستقیمه اړیکه کې دي او د دیني علومو زده کوونکي د جګړو لپاره استخدام کوي.

څلورم دا چې د پاکستان د علماوو په تړاو زیات شمېر افغانان یا کم مالومات لري او یا یې ژر په تبلیغاتو باندې تیر وځي، دا ملایان د ملا په جامه کې د پاکستان د استخباراتو معاش خواره دي او د هغوی د ګټو لپاره د دیني علومو زده کوونکي کاروي.

دا پورته ذکر شوي ټول موارد د طالبانو لپاره یو فرصت ګرځیدلی او د جګړې کار یې ورته اسانه کړی چې په اسانۍ سره وکولی شي ځانمرګي بریدګر پيدا او هر ځای چې خوښه شي د شومو اهدافو لپاره یې وکاروي.

تازه نورستان ولایت کې یو ځانمرګی نیول شوی چې روزنه یې د پاکستان په یوې مدرسه کې ترلاسه کړې او بیا د یو پاکستاني له لوري تر نورستان ولایت انتقال شوی او دلته بل مسوول کس ته سپارل شوی دی.

د مالوماتو له مخې د جاوید په نوم یو ترهګر چې د پاکستان اوسیدونکی نورستان ولایت ته د ځانمرګو بریدګرو د انتقال مسوول دی او تازه مورد کې یې د عبدالحق فدايي په نوم یو ځانمرګی بریدګر د نورستان تر وانټ وایګل ولسوالۍ رسولی دی.

دې ځانمرګي د پاکستان په یوې مدرسه کې د ملا په جامه کې د پاکستان د استخباراتو له لوري روزنه لیدلې او بیا له یو ځانمرګي واسکټ سره نورستان ولایت مرکز کې د برید لپاره ګمارل شوی دی.

جاوید د عبدالحق فدایي په نوم ځانمرګی په وانټ وایګل ولسوالۍ کې ملا عیسی چې د طالبانو ځایي مسوول دی، او په حکیم الله مشهور دی، سپارلی او بیا د یو لړ ځانګړو عملیاتو پرمهال بریدګر د افغان ځواکونو له لوري نیول شوی دی.

تر دې به بل ښکاره ثبوت چرته وي چې طالبانو ته وړاندې شي، دا ډله د پاکستان د ګټو لپاره کار کوي او د پاکستان ملیشه یادیږي.

طالبانو سیاسي مشران که هر څومره سولې ته ځان ژمن وښيي، جنګي طالبان به یې سولې ته ځکه زړه ښه نه کړي، چې جګړه کې یې ګټې دي او سوله کې خپل راتلونکی تیاره بولي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply