د غور د ولایتي شورا وکیل عزت الله بیک د پنجشنبې په ماسپښین د ملي امنیت ځواکونو سره مخامخ نښته کې ووژل شو.
دا نښته وروسته له هغې رامنځ ته شوه چې کله د د عزت الله بیک د نیول کیدو حکم وشو.
بیک باندې تور و چې د ولایتي شورا د یو وکیل رضازاده موټر کې یې چاودیدونکي توکي ځای په ځای کړي و چې رضازاده پکې وژل شوی و او یو بل وکیل په کې ټپي و.
دغه راز غور ولایت کې د خبریال بسم الله عادل د وژل کیدو په تړاو نیول شوي کس اعتراف کړی و چې د عادل د وژل کیدو لپاره د ولایتي شورا وکیل عزت الله بیک پیسې ورکړې وې.
د عزت الله بیک په تړاو څېرنو ښودلې وه چې هغه په غور ولایت کې له ترهګرو ډلو سره همکاري درلوده، هغوی ته یې پيسې او وسلې لیږلې او له ترهګرو په ګټنې یې له ځینو خلکو او ادارو باجونه هم اخیستې دي.
له دې ټولو موندنو وروسته د عزت الله بیک د نیول کیدو حکم وشو، کله چې ملي امنیت ځوکونو د هغه د نیول کیدو عملیات پيل کړل، عزت الله بیک او ساتونکو یې پر ملي امنیت برید کړی چې په پایله کې د ملي امنیت یو سرتیری شهید شوی او یو بل افسر ټپي شوی دی.
کله چې د غور د ولایتي شورا وکیل عزت الله بیک پر ملي امنیت ځواکونو د برید امر ورکړی، همدا عمل د هغه د وژل کیدو لامل هم شوی دی، کنه ملي امنیت ځواکونو عزت الله بیک نه واژه، خو کله چې یې چې پر ملي امنیت ځواکونو برید وکړ او تلفات یې واړول، نو بیا د ده او ترهګرو تر منځ توپير څه شو.
تر دې پېښې وروسته غور کې یو شمېر شورشیانو اعتراضونه او ګواښونه کړي چې وضعیت ګډوډ کړی، خو وروسته ځایي مسوولینو خلکو ته ښودلې چې عزت الله بیک د ترهګرو ملاتړ او تمویل کوونکی و.
په دې تړاو اسناد او شواهد شته چې عزت الله بیک د ترهګرو په ملاتړ او دوه ځایه ترور کې لاس لري، نو باید د دې حساب یې ورکړی وی، خو هغه حساب ته حاضر نه شو، او ځان یې د مرګ خولې ته وغورځو.
د ملي امنیت ځواکونه ترهګرۍ ضد مبارزه کې هره ورځ قربانی ورکوي، خو خلک خبر نه دي چې د دوی وکیل له ترهګرو سره لاس لري او بیا د ترهګرو په ملاتړ باندې پر ملي امنیت ځواکونو برید هم کوي.
د خبریال بسم الله عادل او د ولایتي شورا وکیل رضازاده په برید کې د عزت الله بیک لاس شته او په دې تړاو د اسنادو او شواهدو له موندل کیدو وروسته د هغه د نیول کیدو پریکړه شوې چې بلاخره ووژل شو.
هر هغه څوک چې پر افغان امنیتي او دفاعي ځواکونو باندې برید کوي، ترهګر دی او پرته له کوم توپير به یا وژل کیږي او یا به نیول کیږي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
