په بېجينګ کې د افغانستان سفارت د افغان امنیتي او دفاعي ځواکونو ملي ورځ ولمانځله
جان روان ځاځی
د چين په پلازمېنې بېجينګ کې د افغانستان لوی سفارت د مارچ په دولسمه نېټه د افغان امنيتي او دفاعي ځواکونو ملي ورځ ولمانځله.
په يادې لمانځغونډې کې د چين د کمونېست ګوند د مرکزي پوځي کميټې بريد جنرال سونګ يان چاو، ډګروال چن پي لينګ او د ترکيې، قطر، اذربايجان، تاجکستان، ترکمنستان او پاکستان سفيرانو او د بېلا بېلو هيوادونو ۷۰ ډيپلوماتانو ګډون کړی و.
په چين کې د افغانستان لوی سفير جاويد احمد قايم غونډې ته په وينا کې وويل، چې افغانستان کې روان جنګ د افغانانو ترمنځ نه، بلکې افغانان د نړيوالۍ ترهګرۍ قرباني شوي او افغان ځواکونه د دغې ترهګرۍ پر وړاندې په لومړۍ کرښې کې جنګيږي او پر وړاندې يې کلکه مبارزه کوي. نوموړي په خپله وينا کې له نړيوالې ټولنې څخه مننه وکړه، چې له افغان امنيتي ځواکونو سره يې مرستې کړې دي.
د افغانستان په دفاعي ځواکونو کې اصلاحات پيل شوي او مثبتې اغېزې يې تر لاسه کړې دي.
سفير جاويد احمد قايم په خپلو خبرو کې زياته کړه، چې افغان حکومت داسې سولې ته لومړيتوب ورکوي، چې د تېرو شلو کالونو لاسته راوړنې پکې خوندي وي او دا د ټولو افغانانو ګډه هيله ده او افغان حکومت به په هيواد کې د تلپاتې سولې لپاره خپلو هڅو ته دوام ورکړي.
د افغان ولسمشر محمد اشرف غني د ملي امنيت سلاکار ډاکټر حمدالله محب هم غونډې ته په ويډيويي پيغام کې د افغان امنيتي او دفاعي ځواکونو د ملي ورځې په پار خبرې وکړې. هغه وويل، چې افغان ځواکونو د نړيوالۍ ترهګرۍ پر وړاندې خپلې سېنې سپر کړي او د هيواد ارضي تماميت او د خپلو خلکو ساتنه کوي.
افغان حکومت په هيواد کې د تېرو دوو لسيزو د لاسته راوړنو د ساتلو او د تلپاتې سولې لپاره هلې ځلې کوي او په دې برخه کې د نړيوالو هڅې هم ستايي.
د افغانستان ولسمشر محمد اشراف غني تېره اوونۍ د افغان امنيتي او دفاعي ځواکونو د ملي ورځې په مناسبت وينا کې وويل، چې له افغان امنيتي ځواکونو څخه د افغانانو د ملاتړ انډول د تېرو سلو کلونو په پرتله بې ساری او ډېر لوړ دی.
د يادولو ده، چې د افغانستان ولسمشر محمد اشرف غني په ۱۹۹۵هجري شمسي کال کې د ځانګړي فرمان له مخې د کب نهمه نېټه د افغان امنيتي او دفاعي ځواکونو د ملي ورځې په نوم نومولې ده او هر کال په ټول هيواد کې لمانځل کيږي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
