د امریکايي څېړونکو نوي څېړني ښيي چي په یوازیتوب کي ډوډۍ خوړل ښايي د زړه په ناروغۍ باندي د اخته کیدو خطر ډیر کړي. په تیره بیا د زیات عُمر درلودونکي ښځي له دا ډول خطر سره ډیري مخامخي دي.
د ساینس دیلي د رپوټ په حواله پلټونکي ټینگار کوي چي په یوازیتوب کي ډوډۍ خوړل د گیډي »نس« د لا زیات چاغوالي او د ویني د فشار د لوړیدو سره تړاو لري. کله چي انسانان یوازي وي نو غواړي چي ژر ډوډۍ وخوري چي دا کار زیاتره وخت د یوه انسان د اضافه وزن په محاسبه او د قد او وزن د تناسب د لوړیدو چي BMI هم ورته ویل کیږي او همدارنگه د ویني د فشار او غوړ د لوړالي سبب هم کیږي.
ټول دغه موارد کیدای سي چي د میتابولیک په سندروم د اخته کیدو او د زړه د ناروغۍ خطر لا پسي زیات کړي.
دشمالي امریکا د Menopause Society ټولنی پلټونکي پر ۶۰۰ ښځو باندي تر پلټنو وروسته، دې نتیجې ته ورسیدل چي هغه ښځي چي په یوازیتوب کي ډوډۍ خوري، د نورو ښځو په پرتله لږه انرژي، کاربوهیدرات، غذايي فیبر او پتاسیم ترلاسه کولای سي.
سربیره پردې دغه ښځي تقریباً درې برابره زیات د ځیگر له درد سره مخامخي وي چي زړه ته د ویني د کم جریان او د زړه د رگونو د ناروغۍ نښي بلل کیږي.
د څېړونکو په خبره په یوازیتوب کي ډوډۍ خوړل کیدای سي د انسان پر روح باندي هم اغیز واچوي او په دپریشن باندي د اخته کیدو خطر ډیر کړي چي همدغه کار د زړه له ناروغیو سره هم تړاو لري.
د دې خبري په پام کي نیولو سره چي ښځي تر نارینه وو ډیر عمر کوي، د هغو ښځو له پاره چي له ټولنیزه اړخه منزوي دي، د لارو چارو پیدا کول چي د ټولنیزو اړیکو ساتل دي، نه یوازي دا ممکنوي چي د هغوی د تغذیې کیفیت ښه سي، بلکي په بشپړ ډول به د هغوی د زړه سلامتي هم مخ په ښه کیدو کړي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.