د متحده عربي اماراتو حکومت په دې وروستیو کې د رسمي او رخصتیو ورځو د بدلون په هکله نوي تغیرات معرفي کړي دي چې له مخې به یې جمعه عادي ورځ وي او پر ځای به یې شنبه او یکشنبه عمومي رخصتي وي.
متحده عربي امارات په پام کې لري چې په نوي میلادي کال کې د رخصتیو او کاري ورځو په برخه کې تغیرات عملي کړي. د دغه هیواد حکومت غواړي چې د جمعې ورځ چې تر دې وړاندې په متحده عربي اماراتو کې عمومي رخصتي وه، لغوه او پر ځای یې د نورې نړۍ په څیر شنبه او یکشنبه عمومي رخصتي وګرځوي.
د خلیج ټایمز په نامه د متحده عربي اماراتو انګلیسي ژبې انترنتي ورځپاڼې په خپل یوه تازه رپوټ کې ویلي دي چې په شارجه کې جمعه، شنبه او یکشنبه رخصت وي او د دې هیواد په نورو ښارونو کې به جمعه نیمه کاري ورځ وي.
د دغه خلیجي هیواد چارواکي غواړي چې په دې توګه د کار او ژوند ترمنځ بیلانس رامنځته کړي او همدا راز له نړیوالو بازارونو سره د رخصتیو ورځې همغږې کړي.
په متحده عربي اماراتو کې یو شمیر سترو شرکتونو له وړاندې نه د نویو کاري او رخصتیو ورځو کړنلاره عملي کړې او یو شمیر نور شرکتونه هم غواړي دغه کړنلاره په نوي میلادي کال کې عملي کړي.
د متحده عربي اماراتو د بشري سرچینو وزارت په دې برخه کې د کارګرو له پاره یو نوی قانون هم تصویب کړی چې له مخې به یې په نوي میلادي کال کې د دغه هیواد ټولې فدرالې ادارې او خصوصي سکتور د نوي کاري مهالویش له مخې خپلې چار پرمخ وړي.
متحده عربي اماراتو له یوې مودې راهیسې په خپلو ګڼ شمیر قوانینو کې اصلاحات راوستي دي چې له دې جملې د اوږدمهاله ویزو د ورکړې او همدا راز د بهرنیو سیلانیانو د جذب په برخه کې هم اقدامات شامل دي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.