نوې اختریزې لنډۍ -۶ برخه

نوې اختریزې لنډۍ

شپـږمه برخه

اختر بې ټوکو راروان دی

نه مې جامې شته، نه څپلۍ او نه بوټونه

 

اختره ته هم څو تقسیم شوې

نفاق پر تا باندې هم وکړل گزارونه

 

اختر کې خوښ خلک ډېر لږ دي

دا نور یا وږي یا د مرگ لري ویرونه

د اختریزو لنډیو د راټولولو په لړ کې مې، د دې برخې له پاره دا نوې لنډۍ راټولې کړې دي:

 

زما اختر به څۀ اختر وي

مورکۍ مې نشته غېږ به چاته ورکومه

 

په هېڅ اختر خوشحاله نه یم

بلا دې واخلم په رښتيا نیمګړی يمه

 

لکه اختر راباندې راشه

لکه ماشوم به درته ډېر خوشاله شمه

 

خیر دی اختر ده بیرته راشه

قسم دی مځکه ما ته ځای نه راکوینه

 

اختر کنسل شولو روژه شوه

چا چې خوړلې ده نصیب یې دوزخمونه

 

اختر بې ټوکو راروان دی

نه مې جامې شته، نه څپلۍ او نه بوټونه

 

اختر په څو برخو ویشلی
ځینو یې نن او نور سبا اختر کوینه

 

اختره ته هم څو تقسیم شوې

نفاق پر تا باندې هم وکړل گزارونه

 

اختر پخوا د خوشحالۍ و

اوس خو په وینو او غمو لړلی وینه

 

توبه، توبه اختر بدنام شو

پخوا خوښي وه اوس پرې بار دي ډېر ویرونه

 

اختر کې خوښ خلک ډېر لږ دي

دا نور یا وږي یا د مرگ لري ویرونه

 

پخوا ریښتیا اختر کې خوښ وو

اوس په ریښتیا اختر ټول سودايي وینه

 

چا ته ژړا، چا ته فریاد کړو

ډېرې ژړا ویرو برباد کړی اخترونه

 

پاس په هوا راشه اختر دی

لارې کوڅې له طالبانو ډکې دینه

 

اختر بېشکه چې راغلی

جانانه رانشې ویرونه دي ویرونه

 

اختر په خپل وخت راپېښ شوی

خو ویر غمونه ډېر بېوخوخت راغلي دینه

 

زموږ نصیب به وي همداسې

چې اخترونه مو په ویر کې تېرونه

 

نصیب به وسوځو په اور کې

چې دا څلوېښت کاله یې وسوا اخترونه

 

یوازې ته مو مددگار یې

ربه بدل کړه زموږ ویر په اخترونه

 

خود به مو ژوند ټول گډووډ وي

زموږه ویر او اخترونه گډوډ دینه