قضاوت

سرلوڅ مرادزی

579

څو لسیزې شاته، جلال اباد کې د نارنج ګل مشاعرې ته د یو کتونکي پتوګه ورغلی وم. مشاعرې لپاره په شاهي باغ کې پوره تیاري نېول شوې وو. د لوی ننګرهار(ننګرهار، لغمان، کونړ او نورستان)، سربېره له کابل او نورو سیمو هم شاعران، ادیبان او د نارنج ګل مینه وال مشاعرې ته راغلي ول. د مشاعرې هر شاعر په خپل وار په لوړو احساساتو د نارنج د بوټي، ګل او مېوې دومره ستاینه وکړه چې انداز يي یوازې بل شاعر لګولی شي. حتی په شعرونو کې د نارنج طبي ګټې هم بیان شوې.

د نارنجانو د باغوان، ټولوونکو او خرڅوونکو هم پوره ستاینه وشوه، شاباسي ورکړل شول او کورودانی ورته وویل شو.

د کانال نورې برخې هم د شاعرانو له عقابي نظره ګوښه پاتې نه شوې. دا چې کانال د ننګرهار پر توده هوا هم اغیز کړی وو او هغه يي یو څه مناسبه کړې وه، په شعرونو کې بیا بیا یاده شوه. له پخوانیو غوماشو، ملخانو او تودو بادونو هم سرټکاوي وشول. د ماشومانو د جل وهلو، ملاریا او ژیړي تبو هم یادونې وشوې او کانال يي د علاج یوه لار وګڼل شوه.

لنډه دا چې د نارنج ګل خوشبوی او عطرو، نه یوازې د شاعرانو شعرونه بلکې خپله شاعران هم معطر کړي ول.

خو په ورته وخت کې، شاعرانو د خپلو شعرونو په غوښنه برخه کې پر روسانو هم لعنتونه وویل چې دوی ننګرهار ته څه وکړل او ولې راغلي ول. ما چې یوخوا د افغان دولت د متاقبلو اړیکو له مخې د روسانو په مرسته د ننګرهار کانال جوړېدل او د کانال له برکته پر نارنج ګل د شاعرانو راټولېدا او مشاعرې ته کتل او بلخوا مې پر دوی لعنتونه اورېدل، د افغانانو قضاوت ته حیران پاتې شوم!

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.