وېسټ: د ا.ا مشروعیت ښځو او نجونو سره د دوی پر کړنو ولاړ دی

182

د افغانستان لپاره د امریکا ځانګړي استازي توماس وېسټ د دفاع وزارت له سرپرست محمدیعقوب مجاهد سره د خپلو خبرو جزییات شریک کړي او ویلي یې دي چې د اسلامي امارت کورنی او بهرنی مشروعیت د ښځو او نجونو پر وړاندې د حکومت کړنو پورې تړلی دی.

د افغانستان لپاره د امریکا ځانګړي استازي د عربي متحده اماراتو پلازمېنې ابوظبۍ کې د محمدیعقوب مجاهد په مشري د اسلامي امارت له پلاوي سره کتلي دي.

توماس وېسټ پر خپله ټوېټرپاڼه لیکلي چې د اسلامي امارت پلاوي سره یې د بشري‌ حقونو وضعیت خرابوالي په ځانګړې توګه افغانستان کې د ښځو او نجونو وضعیت او مشترکو ګټو په اړه خبرې کړې دي.

نوموړي له اسلامي امارت غوښتنه کړې چې د زده‌کړو او کار لپاره د ښځو او نجونو حقونو ته درناوی ولري. نوموړي وویل: «د افغانستان اقتصادي او ټولنیز ثبات او د اسلامي امارت کورنی او بهرنی مشروعیت افغانستان کې د نجونو او مېندو سره د حکومت چلن پورې تړاو لري.»

د افغانستان لپاره د امریکا ځانګړي استازي ویلي چې مجاهد سره یې د افغانستان امنیتي وضعیت او د داعش پر وړاندې د اسلامي امارت د هڅو، د کاري زمینې برابرولو او روان بشري ناورین ته د نړیوالې ټولنې د رسېدنې په اړه بحث کړی دی.

د یادونې وړ ده چې د دفاع وزارت د روانې اوونۍ د سه‌شنبې پر ورځ پر خپله ټوېټرپاڼه له وېسټ سره د یاد وزارت د سرپرست له لیدنې خبر ورکړی و.

د دفاع وزارت سرپرست په دې لیندنه کې د امریکا ځانګړي استازي ته ټينګار ورکړی چې «د افغانستان ټول سرحدونه او کرښې خوندي دي او له کور دننه بهرنیو هېوادونو ګواښ نه دی متوجې.»

د دفاع وزارت همداراز ټينګار کړی چې د یاد وزارت سرپرست له وېسټ سره په لیدنه کې له نوموړي غوښتنه کړې چې نړۍ دې د افغانستان ارضي تمامیت ته احترام وکړی.

دا په داسې مهال دی چې د محمدیعقوب مجاهد د روانې اوونۍ د شنبې پر ورځ د لیندۍ ۱۲مه د یوه پلاوي په مشري عربي متحده اماراتو ته تللی دی.

—————————————————————————————————–

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.