د غزني یوشمېر اوسېدونکي وايي چې د دغه ولایت په روغتیايي مرکزونو کې د ښځینه ډاکټرانو او کارکوونکو کمښت له امله روغتیايي خدمتونو ته د ښځینه ناروغانو لاسرسی محدود شوی دی.
د غزني شمسالعارفین کلینیک ته راغلې ناروغه ناهیده وايي چې یاد کلینیک کې د ښځینه ډاکټرانو کمښت له امله نشي کولای په سمه توګه روغتیايي خدمتونو ته لاسرسی پیدا کړي.
نوموړي وویل: «غزني کې ډېر کلینیکونه او روغتونونه فعال دي، خو له دې امله چې ډېر کارکوونکي نارینه دي، ښځینه چې کله ناروغي سره مخ کېږي، نشي کولای چې په اسانه او جرآت سره روغتون ته مراجعه وکړي.»
په ورته مهال د غزني یو بل اوسېدونکی داوود بیا وايي چې د ښځینه ډاکټرانو کمښت ترڅنګ، روغتیايي مرکزونو کې د درمل او امکاناتو نشتون بله هغه ستونزه ده چې ناروغان ورسره مخ دي.
نوموړی له عامې روغتیا وزارت څخه غواړي چې دې ستونزو ته یې رسېدنه وکړي. «څو ځله مې چې دې روغتون ته مراجعه وکړه، امکانات یې ډېر کمزوري وو. کله چې مراحعه کوې، درمل درته نه درکوي. موږ اړ یو چې درمل له بازار څخه وپېري.»
بلخوا غزني کې یوشمېر مدني فعالان وايي چې د یاد ولایت یوشمېر روغتیايي مرکزونو کې د ښځینه ډاکټرانو کمښت او نشتون لامل شوی چې ښځې د ناروغۍ په ځانګړې توګه د زېږون پر مهال دودیز طب «سنتي طب» ته مخه کړي.
علي صمدي وویل: «په روغتونونو کې د ښځینه ډاکټرانو کمښت لا هم غزني کې یوه لویه ستونزه ده چې غزني ښار او بېلابېلو سیمو کې دغه ستونزه پر خپل ځای ده.»
د غزني د عامې روغتیا ریاست مسوولان وايي چې شمسالعارفین کلینیک د یاد ریاست تر څار لاندې نه دی او د افغاني سرې میاشتې ټولنې ریاست له لوري فعالیت کوي.
غزني کې د افغاني سرې میاشتې ریاست د نشراتو او عامه اړیکو میر شهاب سروري شمسالعارفین کلینیک کې د ښځینه ډاکټرانو کمښت ستونزه ردوي او سلاموطندار ته وايي چې د یاد کلینیک ترڅنګ دغه ولایت کې ۱۱ نور کلینیکونه د دغه ریاست لهخوا فعالیت کوي.
هغه وویل: «د سیمې خلک چې د ښځینه کارکوونکو نشتون څخه شکایت کوي، بشپړ دروغ دي. دې کلینیک کې هم ښځې کوي او هم نارینه.»
غزني کې د افغاني سرې میاشتې ټولنې د نشراتو او عامه اړیکو مدیر وايي چې شمسالعارفین کلینیک کې هره ورځ د ښځینه او نارینه ډاکټرانو له لوري داخله ناروغیو، ماشومانو داخله، د پولیو ضد واکسین تطبیق او همداراز د خوارځواکۍ ناروغانو درملنه کېږي.
د یادونې وړ ده چې سمشالعارفین کلینیک یو «سياېچسي کلینیک دی چې فعالیت یې یوازې د ښځو لپاره ځانګړی نه دی، بلکې نورو بېلابېلو برخو کې ناروغانو ته خدمات وړاندې کوي.
سلام وطندار
**************************************
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.