د پاکستان روپۍ د امريکايي ډالر په مقابله کې په ريکارډ کچه لاندې راغورځېدلې او د يو امريکای ډالر قيمت د ۱۲۹ روپو پورې رسېدلی دی.
پاکستان کې د روپو د بدلوؤنکو د کاروباريانو د اتحاديې مشر ملک بوستان وايي دا وخت ډالر د روپۍ په مقابله کې د ۱۲۸.۵۰ او ۱۲۹ روپو ترمنځ روان دی.
وي او ای ډیوه سره په خبرو کې هغه وويل چې څنګه د ملک تجارتي خساره سېوا کيږي دغه شان به ورسره د روپۍ په مقابله کې ډالر نور بره خيژي.
د اقتصادي چارو کارپوهان وايي که پاکستان په سمدستي ډول د بهرنۍ مالياتي ادارې ايي اېم اېف سره خبرې پېل نه کړې نو راتلونکي منتخب حکومت ته به ګرانه شي چې پاکستان د ديواليه کېدو نه بچ کړي.
د جمعې په ورځ پاکستان کې د ډالر بيعه ۱۲۱.۵۴ روپۍ ريکارډ شوې وه.
بل لور ته د پاکستان د ونډو په بازار کې هم کاروبار مخ په ښکته راټيټ شوی او نن دګل، دوشنبې په ورځ د ونډو په بازار کې د سر د ۱۰۰ شرکتونو په کاروبار کې ۶۰۵ پوائنټونه لاندې راغورځېدلي دي، او د ۴۰ زره ۲۷۱ پوائنټونو سره پېل شوی کاروبار په ۳۹ زره ۶۶۵ پوائنټونو باندې بند شوی دی.
دوه ورځې وړاندې د پاکستان مرکزي بېنک (سټېټ بېنک) ويلي ؤ چې په ملکي کچه د صادراتو (برامداتو) د کمي او د وارداتو (درامداتو) زياتوالي په وجه د پاکستان تجارتي خساره (کرنټ اکاؤنټ خساره) په ريکارډ کچه ۱۶ اربه ډالرو ته رسېدلې ده.
د اقتصادي چارو کارپوهه مهتاب حېدر وايي بنيادي وجه د پاکستان د بهرنو چارو زېرمې راکمې شوي دي او کله چې د بهرنيو چارو زېرمې راکمې شي نو مرکزي بېنک هم بيا نه شي کولی چې روپۍ د راغورځېدو نه بچ کړي.
هغه وويل بله خبره دا ده چې د دې سره به د پاکستان د وارداتو په بېعو کې زياتوالی راشي.
حېدر وويل د روپۍ د قدر کمېدو سره به په ملکي کچه ګراني سېوا شي او بهرنۍ قرضې چې د پاکستان دپاره يو چېلنج دی پکارده چې لنډ مهاله حکومت د اوس نه د مالياتي ادارې ايي اېم اېف سره خبرې پېل کړي او د راتلونکي منتخب حکومت دپاره دغه ستونزه راکمه کړي.
نوموړي زياته کړه که لنډ مهاله حکومت په دې کار ونه کړو نو د راتلونکي حکومت دپاره به پاکستان د ديواليه کېدو نه بچ کول ګران شي.
د خالي په ورځ مرکزي بېنک ويلي ؤ چې د پاکستان په وارداتو کې د سېواوالي له امله تجارتي خساره قابو کول يو چېلنج جوړ شوی دی او د بهرنيو هېوادونو نه په ترسيلات زر کې د اضافې باجود د بهرنيو چارو زېرمې د فشار ښکار دي.
مرکزي بېنک ويلي ؤ چې په کال ۲۰۱۸م کې د پرمختګ هدف د ۶.۲فيصده په ځای ۵.۵ ته راکوز شوی دی.
بېنک ويلي د مې د میاشتې په وروستيو کې په پاکستان بهرنۍ قرضې اووه زره ۳۲۴ اربه روپۍ وې خو د ډالر د قدر سېوا کېدو وروستو دا قرضې اته زره ۱۲۰ اربه روپو ته رسېدلي دي.
فضل عزیز
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
