پاکستان د طالبانو منځګړتوب

د طالبانو سیاسي دفتر کې سخت اختلافات راپورته شوي او دا اختلافات د پاکستان لپاره دومره د اندیښنې وړ وګرځیدل چې د طالبانو رهبري یې اسلام اباد ته ور وغوښتله.

اختلافات د ملا برادر او شیرمحمد عباس ستانکزي ترمنځ دي چې لا هم دوام لري او هره ورځ د دې احتمال شته چې د قطر دفتر په دوه برخو وویشل شي او له ځینو موضوعاتو پرده پورته شي.

عباس ستانکزی چې د طالبانو د مرکچي پلاوي مشري یې کوله، د ملا برادر خوښه نه وه او همدا لامل شو چې کله د طالبانو پلاوی له پاکستان څخه ستون شو، سمدستي یې مولوي عبدالحکیم د پلاوي مشر او عباس ستانکزی یې ورته مرستیال وټاکه.

په یوه میاشت کې دا بدلونونه ټولو ته د پوښتنې وړ دي چې څنګه عباس ستانکزی د پلاوي له مشرۍ لیرې او پر ځای یې عبدالحکیم راغی.

یو څه چې ښکاره دي، هغه دا چې د نویو بدلونونو دا نقشه اسلام اباد کې د طالبانو مشرانو ته ورکول شوې او ځینې غوښتنې او سپارښتنې هم ورته شوي دي.

شیر محمد عباس ستانکزی چې د پلاوي له مشرۍ لیرې شوی، د ستانکزي له سخت غبرګون سره مخ شوی او د ده ډله ټول په دې تړاو خواشیني او اندیښمن دي.

د ستانکزي او ملا برادر اختلافات د قطر په دفتر کې بیخي جدي دي، ستانکزی د ملا برادر په اړه ځینې پوښتنې لري چې باید ځواب شي، خو هیڅوک ورته ځواب نه وایي.

لومړی دا چې که ملا برادر په رښتیا هم د پاکستان په سخت ترینه زندان کې اوسیده او هیچا سره یې د ملاقات چانس نه درلوده، نو بیا ولې ۷ کلنه او دوه کلن اولادونه لري، په داسې حال کې چې د هغه لس کاله په زندان کې تېر شول.

دویم دا چې که ملا برادر په رښتیا پاکستان کې زنداني و، بیا یې دویم واده کله کړی چې له هغې میرمنې یې هم یو اولاد شوی دي.

دریم دا چې عباس ستانکزی له ملا برادر د هغو پيسو سپیناوی او حساب غواړي چې امریکا د ملا برادر له زنداني کیدو وړاندې هغه ته ورکړې وې.

دا درې سوه میلونه امریکایي ډالر دي چې ملا برادر په تحریک کې لږې مصرف کړي او نورې يې خپله حیف و میل کړي دي.

د عباس ستانکزي تر څنګ د طالبانو د سیاسي دفتر ویاند  سهیل شاهین هم د ویاندوی له دندې لیرې کړی او پر ځای یې وردګ معرفي کړی دی.

دا بدلونونه په ټوله کې د طالبانو د جنګي قومندانو له سلا پرته شوي او ټول په دې تړاو اندیښمن دي چې قرباني دوی ورکوي، خو امتیازات یې مشران اخلي او دوی هیڅ جریان کې نه دي.