د پاکستان استخباراتو تازه د خیبر پښتونخوا باجوړ کې ځینې مرکزونه جوړ کړي چې له مدرسو افغان طالبان وړي او هلته ورته د جګړې روزنه ورکوي، دا روزنه د سرې قطعې تر نوم لاندې ده.
د طالبانو سرې قطعې ته ټول هغه ځوانان جذب کیږي چې احساساتي وي، جذباتي وي، ژوند کې تنګ وي او د طالبانو تر سخت تبلیغاتو لاندې راغلي وي او د جنت خوبونه ګوري.
پاکستان استخباراتو ځکه د سرې قطعې د روزنې لپاره ځانګړي مرکزونه جوړ کړل، چې د پاکستان استخباراتو ولیدل چې په دې قطعه کې چې هر څوک داخل شي، هغه هر ډول رزالت او ورانی کولی شي.
د طالبانو سره قطعه په هیچا رحم نه کوي، حتا که یې کوم غریب سړی او یا دهقان هم له پامه بد راغی، په دا سر یې ولي او د مرتد ټاپه پرې وهي.
باجوړ کې د طالبانو د سرې قطعې د روزنې او مالي ملاتړ مسوولیت د پاکستان د استخباراتي ادارې دی.
هلته استخباراتي او پوځي افسران افغان ځوانانو ته روزنه ورکوي، جنګي تکتیکونه ورته زده کوي او بیا د دیني علماوو په جامه کې د ای ایس ای مامورین ورته سخت تبلیغ کوي، د جنت ټکټونه ورکوي او افغانستان ته یې رالیږي.
پاکستان هر ځل په دې اعتراف کړی چې د افغانستان د جګړې لپاره یې بشري قوه برابره کړې، خو دا چې په افغانستان کې اوس د طالبانو لپاره د جلب او جذب کار سخت شوی، اوس په پاکستان کې له دیني مدرسو افغان ځوانان په بیلابیلو تمو او کاذبو تبلیغاتو جذب کوي او افغانستان ته یې لیږي.
د پاکستان استخباراتو ولیدل چې افغانستان کې د طالبانو سره قطعه په هیچا رحم نه لري او هر هغه کار چې ورته خپل قومندان ووايي که هغه هر ډول ظلم او حشت وي، د دې ډلې رزول شوي کسان یې کوي.
پاکستان د سولې له خبرو ډار لري، که چیرې د سولې خبرې د پاکستان په ګټه تمامې نه شي او طالبان پکې د پاکستان ګټې تضمین نه کړي، د سرې قطعې او نورو نومونو باندې ډلې به جګړې ته دوام ورکړي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320