د طالبانو د یوه استازې د معلوماتو پر بنسټ د کابل په هوایي ډګر کې د وروستیو ورځو په هرج و مرج کې په مجموع کې ۱۲ تنه وژل شوي. د آلماني ځواکونو سیمه ایزو کارکوونکو پروازونو ته د لاسرسي په برخه کې د ستونزو رپوټ ورکړی دی.
طالبانو له هغو کسانو څخه چې د سفر اجازه نه لري او د کابل هوایي ډګر ته یې مراجعه کړې ده، غوښتي دي چې له دغه هوایي ډګر څخه ووځي.
د رویټرز خبري آژانس د رپوټ پر بنسټ د طالبانو یوه استازې ویلي دي چې د یکشنبې ورځې را په دیخوا د ګڼې ګوڼې یا په میدان کې د ډزو له امله ۱۲ تنه وژل شوي دي.
د طالبانو دغه استازي چې نه غوښتل نوم یې واخیستل شي، ویلي دي «مونږ نه غواړو چې په هوایي ډګر کې چاته زیان ورسوو.»
کابل ته د طالبانو له داخلیدو او د جمهوري ریاست د ارګ تر نیولو وروسته په زرګونو تنه په دې هیله د کابل هوایي ډګر ته لاړل چې شاید وکولی شي له افغانستان څخه د وتلو چانس ترلاسه کړي. دا په داسې حال کې چې د یکشنبې ورځې راهیسې ملکي پروازونه بند دي.
د آلمان په شمول لویدیځ هیوادونه په دې هڅه کې دي چې خپل اتباع او سیمه ایز همکاران د دغه هیواد څخه راوباسي، خو دغه بهیر د دوی له پاره هم له ستونزو سره مخامخ شوی دی.
د آلماني ځواکونو دوو سیمه ایزو کارمندانو د آلمان خبري آژانس ته ویلي دي چې دوی د کابل هوایي ډګر ته د رسیدو په لاره کې له ستونزو سره مخامخ شوي دي.
دغو کسانو ویلي دي چې له یوې خوا میدان ته په ور تلونکو سړکونو کې ډیره ګڼه ګوڼه ده او په ځینو مواردو کې د تیریدو وړ نه دي، له بلې خوا امریکایي سرتیرو ورته هوایي ډګر ته د داخلیدو اجازه نه ده ورکړې.
خلک د کابل هوايي ډګر پر دیوالونو ورختل
د آلماني ځواکونو یو له دغو سیمه ایزو کارمندانو څخه ویلي دي: «امریکایي سرتیري یوازې د دوی پورې اړوندو کسانو ته د داخلیدو اجازه ورکوي.»
نوموړي زیاته کړې ده: «کله چې دغه کسان هوایي ډګر ته ور وغوښتل شول، د آلماني ځواکونو له ډلې څخه هیڅ څوک هم هلته نه وو.»
د آلماني ځواکونو یو بل کارمند بیا ویلي چې هغه د شپې له اتو بجو څخه تر دونیمو بجو هڅه کوله چې ځان میدان ته ورسوي، خو امریکایي عسکرو ورته ویل چې که هغه رښتیا هم د آلماني ځواکونو کارمند یي باید یو څوک (آلمانانو څخه) ورشي او د ده خبره تائید کړي.
هغه ویلي چې په پرله پسې ډول په هوایي ډګر کې د ډزو غږونه اوریدل کیدل او د خلکو د تیت او پرک کولو په خاطر له اوښکي بهوونکي ګازو څخه هم استفاده شوې ده.
سربیره پر دې یو شمیر افغانانو چې د سفر کولو هیڅ ډول جواز یې نه درلود هغوې هم د داخلیدو دروازې (میدان ته د داخلیدو دروازه) مخه بنده کړې وه.
د طالبانو له خوا د کابل تر نیول کیدو وروسته ډیر شمیر خلک له دغه هیواد څخه د وتلو هڅه کوي. لویدیځو هیوادونو د طالبانو د غچ اخیستونکي احتمالي اقدام له ویرې د خپلو کارمندانو او فعالانو د را ایستلو له پاره پروازونه پیل کړي دي.
د آلمان د دفاع وزارت د معلوماتو له مخې د دغه هیواد پوځ تر ۹۰۰ ډیر انسانان له کابل څخه انتقال کړي دي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.