د تیر کال په پرتله د روان کال په لومړۍ نیمایې کې ډېرو هغو کسانو چې د کډوالو له پاره د آلمان فدرالي ادارې له خوا یي د پناه غوښتنه رد شوې وه، محکمو ته له شکایت وروسته یې په آلمان کې د خوندیتوب حق ترلاسه کړی دی.
د پناه غوښتني د رد شوو غوښتنلیکونو پر ضد شکایتونو په مخ پر ډیریدونکي ډول مثبت ځوابونه ترلاسه کړي دي. د «نویه اوسنا بروکه څایټنګ» ورځپاڼې د جمعې په ورځ رپوټ ورکړی دی چې د ۲۰۲۱م کال په لومړۍ نیمایي کې د اداري محکمو د پریکړو پر ضد ۳۵،۱ سلنه شکایتونو مثبت ځواب ترلاسه کړی دی. دغه فیصدي د تیرکال په همدې موده کې ۳۱ سلنه وه. دغه معلومات د آلمان د کورنیو چارو وزارت په پارلمان کې د کیڼ اړخي فراکسیون د یوې پوښتنې په ځواب کې وړاندې کړي دي.
په دغو مواردو کې شکایت کوونکو په آلمان کې د خوندیتوب درجه یا حیثیت ترلاسه کړی دی، کوم چې مخکې تر دې د کډوالو له پاره د آلمان د مهاجرت ادارې له خوا یي د پناه غوښتنې غوښتنلیکونه رد شوي ول.
محکمو د روان کال په لومړیو شپږو میاشتو کې د کډوالو له پاره د آلمان فدرالي ادارې (بمف) له خوا د پناه غوښتنې د ۲۹۰۲۵ ارزول شوو غوښتنلیکونو په هکله پریکړو څخه ۱۰۱۷۶ یې غیر قانوني بللي دي.
د رپوټ په حواله د شکایتونو د مثبت ځوابونو ترلاسه کولو شمیر د لوړیدو یو دلیل په ځانګړي توګه د افغان مهاجرو په هکله پریکړې دي. په خاص ډول په دې برخه کې د تیروتنې کچه ډيره لوړه ده.
۷۵ سلنه د افغان پناه غوښتونکو شکایتونه یا دعوې په محکمه کې پر حقه ګڼل شوي یا په بل عبارت تائید شوي چې دغه فیصدي په ۲۰۲۰م کال کې ۶۰ سلنه وه.
د کیڼ اړخو له نظره دلیل یې دا دی چې د آلمان د کورنیو چارو وزارت په پرتله، محکمو د افغانستان امنیتي وضعیت ډیر خراب اټکل کړی دی.
همدارنګه د سومالیایي پناه غوښتونکو د دوسیو په برخه کې د تیروتنې کچه ۴۴،۹ سلنه او د ایراني پناه غوښتونکو په برخه کې بیا ۳۸، ۴ سلنه وه.
کیڼ اړخی فراکسیون شکایت کوي چې د کډوالو له پاره د آلمان فدرالي اداره تر «د نه منلو وړ سیاسي فشار» لاندې ده.
د کورني سیاست په برخه کې کیڼ اړخي سیاستوالې اولا یولپکه په افغانستان کې د امنو سیمو په اړه د آلمان د کورنیو چارو وزارت پریکړه غندلې ده، چې په خبره یې په سیمه کې له حقیقي وضعیت سره په تناقض کې ده.
د دغې سیاستوالې په خبره د آلمان د کورنیو چارو وزارت باید له همدې امله د افغان پناه غوښتونکو شکایتونه له سره و ارزوي، څو پر محاکمو هم د کار فشار را کم شي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.