غزل

عبدالباري جهاني

1,351
خزان به تېر وي پسرلی به وي ګلان به نه وي
ساقي به وي خُم به لبرېز وي حریفان به نه وي
سُر به په خپل تار کي زیندۍ وي شرنګ به نه مستوي
رباب به وي ترنګ به پردی وي آدم خان به نه وي
له مرغکیو به وي هیري مورنۍ سندري
پیالې به نه وي شور به نه وي مست یاران به نه وي
له توتکیو به وي تشې د سپرلي لمني
غاټول به نه وي پر غونډیو ارغوان به نه وي
د بلبلکو له سېلونو به وي ساه ختلې
ویالې به وچي باغ به وي مګر باغوان به نه وي
د لمر په وړانګو کي به نه وي د وګړو نصیب
د تورو وریځو به غړومبی وي خو باران به نه وي
ستوني به وچ خولې به ګنډلي وي ګونګي به ګرځو
مُلا به وي منبر به وي ږغ د آذان به نه وي
چا به ویل چي یوه ورځ به داسي هم ووینو
خدای به مني قرآن به لولي مسلمان به نه وي
په ژبه خپل په هدیره او په وطن به خپل وي
په تول به هر څه برابر وي خو افغان به نه وي
جهاني ما دي د خوبونو تعبیرونه کړي
غزل به وي سارنګ به وي خو مطربان به نه وي
عبدالباري جهاني
د ۲۰۲۱ کال د آګسټ یوویشتمه، ویرجینیا

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.