له مسئولیته تېښته
د افغانستان د سیاسي روایت جوړونې سېندروم Syndrome
–
د افغانستان په سیاسي عُرف (موږ لا سیاسي فرهنګ نه لرو) کې یوه سرطاني ناروغي دا ده، چې هره واکمنه کړۍ خپلې ناکامۍ د تېرې واکمنۍ د کمزوریو او نیمګړتیاوو تر شا پټوي.
که ورته ووایې، خلک وږي دي. وايي شکر دې وباسي، آیا پخوا ماړه ول؟
چې ورته ووايې خلک له خپلو ابتدايي حقونو محروم دي، نو مخامخ د همدې اعتراض ځواب نه شي درکولای، پر ځای یې وايي: پخوا هم وضعیت تر دې بدتر و.
چې ورته ووايې فساد دی، وايي پخوا وژل و جګړه هم وه… که غږ پورته کړې، چې جګړه ده، وژنې دي، امنیت خراب دی، نو درته وبه وايي: په تېره واکمنۍ کې لکه چې کراري وه؟
نو ښاغلیه،
پروني ولې ورک شول؟ او ته څنګه راغلی یې؟
هیچا د بېرته ځواب ورکولو جرئت ونه کړ، چې:
کاکا! پروني خو ځکه راپریوتل، چې دا او هغه و، نو که دا او هغه لا پسې زیات شي، ته خو تر هغه پیاوړی نه یې، ته به هم راپریوځې.
ماما! پرونی پای ته ورسېده، که حالات خراب شي ته هم پای ته رسېدلای شې!
پر اوسمهال اعتراض هیڅکله د تېرمهال د نیمګړتیاو د غوره ګڼلو په مانا نه ده.
نننی اشغال د پروني اشغال په رایادولو توجیه کېدلای نه شي.
ولسونه په تېره زمانه کې ژوند نه کوي، همدا اوس چې څه پرې تیریږي، قضاوت او عملي غبرګون یې پر همدې ولاړ دی.
هيڅ ژوندی مسئول خپل ګریوان د خلکو له منګولو په دې دوکه خلاصولای نه شي، چې ولاړ شئ او د مړه سیاستوال قبر په ډبرو وولئ!
هېڅ ټولنه ـ په تېره بیا د افغانستان په شان بې پروا ټولنه ـ د سبانیو رنګینو وعدو او پرونیو نیمګړتیاو په ور یادولو، له خپل (اوس) څخه مخ نه اړوي.
خلک په (همدا اوس) کې ژوند کوي،
پرونیو ته ښکنځلې کوي او پر سبا باور نه لري،
خو همدا اوس ژوند غواړي.
خلک د څېړنو لابراتوار ته نه دي راغلي، چې پوه شي د ستونزو لاملونه او ریښې یې څه دي؟ خلک هرڅه همدا اوس بې دلیله غواړي.
هغه ملتونه چې پوه شي؛ ژوند یې تر پرونه نن او تر ننه سبا نه ښه کیږي، نو د نظامونو هره ورځ راپریوتل هره ورځ آزمويي.
افغانستان د پریوتلو همدغه تکرار وخوړ…
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.