کورکمن

کورکمن (Turmeric)
——————–
د الوچی له رنگه سوره
د کورکمن په شانتې زیړ درپسې شومه
کورکمن چې په عربي ژبه یې کرکم ، په فارسي یې زردچوبه ، په اردو او هندي ژبو یې هلدي بولي په انګریزي کې ورته (Turmeric) ویل کیږي او علمي او ساینسی نوم یې
( Curcuma longa) دی دادرکو یا سونډ دکورنۍ یو بوټی دی چې زیاتره په هند . سیریلانکا، اندونیشیا ، تایوان ، تا یلینډ ، پیرو ، هایتي او جامیکا کې کرل کیږي ،خو لوی صادروونکی هیوادیې هند دی.
کورکمن دادرکو په شان غوټې لري او تر کرلو لس میاشتې وروسته حاصل ورکوي ا و ډیرو اوبو ته اړتیا لري .کورکمن په خوړو او دواګانو کې کارول کیږي ،خو زیاتره په هند ، پاکستان، بنګله دیش او نورو ډیرو هیوادونو کې په خوړو کې کارول کیږي.
کورکمن ډیر غذایی مواد اوډیر ویټامینونه هم لري لکه Cاو B6، اوسپنه ، پوتاشیم
دکورکمن ګټې :
———–
کورکمن دسرطاني ناروغیو دمخنیوي لپاره ډیرګټوردي اودمفاصلواوهډوکو دردونه کموي او دالتهابي ناروغیولپاره هم موثر ا وګټور بلل شوی دی .دطب دعلم پوهان وایي چې چې کور کمن د خولې د هغه جراثيمو مخه نیسي کوم هغه چې د خولې د سرطان لامل کیږي .همدارنګه د خولې، مرۍ او د ستوني نورو ډېرو ناروغیو مخه هم نیولی شي.که چیرې په خپلو خوړو کې کورکمن وکاروئ نو دالزایمر دناروغۍ په کمولو کې هم مرسته کولی شي.هغه ناروغان چې دشکرې په ناروغۍ اخته دي دکورکمنو کارول ورته ډیره ګټه لري.په چین او تایلینډ کې دکورکمنو نه دواسلینو په شان یو ډول دوا جوړیږي چې دهغو کسانو لپاره چې دهډوکو او روما تیزم دردونه لري ډیر ګټور دي. په پښتو ژبه کې دکورکمنو په اړوند لنډۍ ( ټپې ) هم لرو چې دایوه یې درسره شریکومه :
د الوچی له رنگه سوره
د کورکمن په شانتې زیړ درپسې شومه