غښتلې اراده مو د بریا تضمینونکې ده

هر ستر کار له پیاوړې ارادې پرته نشي ترسره کېدای. بریا له کلک هوډ او ارادې سره تړلې ده. ګډې وډې، متزلزلې ارادې یو انسان ته له ناکامۍ پرته بل هېڅ نشي ورکولی.
اراده خپله یو فطري او روحي عمل دی خو که انسان متوجه شي ارادې پورې د انسان نېکمرغي او تباهي تړلې ده.

وګورئ شاوخوا چاپیریال کې د هوډمن او غښتلې ارادې لرونکو اشخاصو ژوند ته وګورئ او لټ، تنبل او بې ارادې خلکو ژوند ته وګورئ!”
بې ارادې خلک څنګه دمایوسئ، ځانځانۍ او ناوړه وضعیت ته تسلیم د بزدلۍ شپې او ورځې تېروي. مګر مقابل کې هوډمن خلک زیرکه، نوښتګر او ناوړه وضعیت کې د بریا او بدیلونو فرصتونه مومي او ورڅخه ګټه اخلي!!
تېره ورځ مې یو ملګري سره خبرې کولې پدې مایوسئ وضعیت کې یې د ځان جوړونې او ناوړه پلمو څخه د خلاصون لپاره فکر او سنجیش کوه، ما هم ډاډ ورکړ او ومې هڅوه!” نو دغسې هوډمن خلک ماتې نه مني ځکه زموږ د ژوند هره شېبه ماتې او بریا له ځانه سره لري هغه بیا زموږ خپل استعداد، وړتیا او صلاحیت پورې اړه لري چې بریا ترلاسه کوو او که ناکامي!”
هدف مې دا دی!”
ولټر وایي:《متزلزله اراده د یو چا د کمزورۍ ترڅنګ د یوه کار کمزوری پیل دی》 تل کوښښ وکړئ هر یو ستر کار له غښتلې ارادې سره شروع کړئ او مه پرېږدئ چې ننګوونې او ستونزې مو ارادې ګډې وډې او پاشلې کړي، تر څو لوی زیان او شکست ونه خورئ.