د شاه رخ خان «پټان» فلم د هندي فلمونو د خرڅلاو ریکارډ مات کړ

986
2 ساعتونه مخکې

د هندي سینما د تکړه ستوري شاه رخ خان نوي فلم پټان چې تېره اوونۍ خپور شو، په هندي سینما کې د خرڅلاو ریکارډ مات کړ. دې فلم بالیوډ ته چې په دې وروستیو کې وړاندې کړل شوي فلمونه یې ډېر بريالي نه ول، نوې هیله پیدا کړې ده.

د هندي سینما د تکړه ستوري شاه رخ خان نوي فلم پټان چې تېره اوونۍ خپور شو، په هندي سینما کې د خرڅلاو ریکارډ مات کړ. دې فلم بالیوډ ته چې په دې وروستیو کې وړاندې کړل شوي فلمونه یې ډېر بريالي نه ول، نوې هیله پیدا کړې ده.

د سوداګرۍ شنونکي تاران ادارش د یکشنبې په ورځ ټویټ وکړ چې “پټان” فلم په هند کې د خپل ریلیز په لومړۍ او دویمه ورځ د هندي فلمونو ترټولو لوی پلور ثبت کړ.

د دغه فلم د خرڅلاو اندازه د خپریدو په لومړیو پنځو ورځو کې د هند په باکس آفیس کې دوه نیم میلیارده هندي کلداري، چې د ۳۰ میلیونو امریکایي ډالرو معادل کیږي بلل شوې.

د یاش راج فلم د معلوماتو له مخې، چې پټان فلم یې جوړ کړی، د دې فلم د نړیوالو ټکټونو پلور یوازې په دریو ورځو کې له یو میلیارد هندي روپیو (۱۳،۷ میلیونه ډالرو) څخه اوښتی دی.

دا په داسې حال کې ده چې د هندي ژبې د بالیووډ فلمونه د کرونا له امله د سینماګانو د تړل کيدو له کبله د یو کلن ځنډ وروسته له ستونزو سره مخ شوې وو.

د يو شمير سینماګانو مالک اکشې راتي، د دوشنبې په ورځ د فرانسې خبري آژانس ته وویل: “زه فکر کوم چې د “پټان” فلم د پرانستلو بې ساري بریالیتوب دا په ګوته کوي چې موږ په هند کې د سینما په توګه کوم لور ته روان یو.”

هغه زیاته کړه: «دلته موږ په سینما او تیاترو کې د لمانځلو پخوانۍ طریقې ته راستانه شوي یو».

تمه کیده چې تر څلورو کلونو وروسته به د ۵۷ کلن شاه رخ خان د پټان فلم له همدارنګه هرکلي سره مخ شي.

آرشیف: د هند په کلکته کي د پټان فلم لیدونکي
آرشیف: د هند په کلکته کي د پټان فلم لیدونکيانځور: Subrata Goswami/DW

شاه رخ خان چې د خلګو په مینځ کي په «King Khan» يا “پاچا خان” مشهور دی، په نړۍ کې ډېر مینه وال لري. په دې فلم کې د بالیووډ اداکاره ډیپیکا پاډوکون او د اکشن هیرو جان ابراهام هم شتون لري.

په ټولنیزو شبکو کې خپرې شوي ویډیوګانې ښیي چې په هندي سینما کې مینه وال د پټان فلم د لیدو پر مهال نڅا او خوشحالۍ ​​کوي.

پټان او د بالیووډ نور فلمونه – په ځانګړي توګه هغه ستوري چې د لږکیو هندي مسلمان ستورو لکه خان پوري تړلې – په وروستیو میاشتو کې په ټولنیزو رسنیو کې د هندو ښي اړخو لخوا انتقاد شوي او د دوی د بندیز غوښتنه شوې.

هندو افراطي ډلو د پټان پر فلم د بندیز غوښتنه ځکه کړې چې پاډوکون د فلم په یوه سندره کې زعفراني رنګه بیکني اغوستې، هغه رنګ چې د هندو مذهب سره تړاو لري.

باید وویل شي چې تیر کال، د سویلي هند فلمونه لکه د تلګو ژبې فلم RRR د بالیووډ ترټولو لوړ عاید لرونکي فلمونه وو.

دویچه ویله

آرشیف: د شاه رخ خان مینه وال د پټان فلم لیدو لپاره سینما ته ورغلې

/////////////////////////////////////////////////

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.