چي په هر نامه مي بولې دا شېبه مي خواته پرېږده
زه به سوال درڅخه وکړم ته جواب سبا ته پرېږده
ډېوه پرېږده چي لګېږي لمبه پرېږده چي لوړېږي
نن دا شمع په پانوس کي پر خپل ځان ژړا ته پرېږده
که مي عمر وفا وکړه یو جواب به درکومه
اوس لا ورک یو په تیارو کي زما کیسه رڼا ته پرېږده
منصور تشه افسانه ده انالحق بله کیسه ده
د هینداري غرغړه ده دا کیسۍ مُلا ته پرېږده
له مجنون سره داستان دی د ازل د خولې بیان دی
وجود یو، مینه یوه ده دا جنون لیلا ته پرېږده
له ایوبه مي راوړي له زخمونو سره شپې دي
ځه طبیبه ته رخصت یې پرهارونه ماته پرېږده
د سبا جنت په تمه نن ځواني سوله برهمه
زما یې خپله ستایې خپله زما عمل سزا ته پرېږده
جهاني درته راغلی د کلو خُمار وهلی
شیخه نن مو لا معاف که ما اویار مینا ته پرېږده
عبدالباري جهاني
ویرجینیا ۲۰۱۷ سپټمبر ۲۷
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
