عطاء په ځانګړې ډول، او لنډه غر عموماً رسنیو او لافو پړسولي

عطاء په ځانګړې ډول، او لنډه غر عموماً رسنیو او لافو پړسولي. بانډ چې هرڅومره ستر شي حکومتي ځواک نشي ننګولای. دا چې په امنیتي دستګاه کې لنډه غر نفوذ لري، داسې نه ده چې بشپړ قطعات لنډه غر دي. افراد شته او هغه هم د حکومت معاشخواره دي، د هر فرد تر څنګ یو بل سرتېری شته دی، او هیڅ یو یې هم حاضر نه دی د عطاء د زامنو د عیاشۍ لپاره خپل عیال له یوې ګولې ډوډۍ محرومه کړي. لنډه دا چې د عطا بانډ د امنیتي ځواک د نیم اوداسه هم نه دی. د حکومت منطق دا دی چې که یو دوه کسه وژل کېږي هم، باید ونه وژل شي، خو حقیقت دا دی چې د دې بوین لپاره دوه کسه هم ځان نه قربانوي خو که نظام همداسې وېشلی او بې هیبته پاتې شي نو بیا باید په دې ملک کې د نظام د کمزورتیا په صورت کې د قتل عامونو منتظر اوسو. د عطاء چاره په کار ده، ژر یې په کار ده، سمه چاره یې په کار ده. د نظام او قانون پر خلاف بغاوت باید عادي وانخیستل شي او نه د سیاسي مخالفت برخه وګڼل شي. چې ټالیب په ټول زور نظام سقوط نکړای شو، عطاء د یوې ولسوالۍ له سقوطه هم عاجزه دی. هو، لنډه غر د رسنیو او لافو ترڅنګ وخت هم پړسولي. دوی ته وخت ورکړل شوی او لا ورکول کېږي چې قیمت یې ملت اداء کوي. همدا تېره میاشت د عطاء د یوه فساد له امله افغانستان څلوېښت ملیونه ډالره تاواني شوی چې جزئیات به یې ژر رسوا شي. د عطاء قضیه نوره سیاسي قضیه نه ده، بلکې جرمي حرکت دی او باید د نظام دننه ګوډ او شل سیاسیون له دې قضیې ځانونه وباسي.

مجید قرار