راځه چي نن دي پر هجران باندي غزل وليكم
يو څه پر تا يو څه پر ځان باندي غزل وليكم
د خپلو هيلو له لحد سره مي ونڅېږم
د خپل جنون پر نيستان باندي غزل وليكم
هره شېبه مي د بېلتون په اوښكو ولمبوم
ستا د خيالونو پر پېزوان باندي غزل وليكم
ستا د ښكلا د ځوانيمرگو ارمانونو په ياد
په پسرلي كي پر خزان باندي غزل وليكم
د تورو ورځو په كوگل كي مي لمبه لمبه سم
نن د ازل پر شبستان باندي غزل وليكم
دانه دانه اوښكي مي ستا تصوير ته وژړوم
د خپل قسمت پر ورك جهان باندي غزل وليكم
ستا د نيمگړو سفرونو كيسه وسپړمه
هم پر منزل هم پر كاروان باندي غزل وليكم
پكښي مي څرك د ارمانونو د بېړۍ لټوم
هم پر ساحل هم پر توپان باندي غزل وليكم
د خيال په كور كي مي تېشه د آذر ورنگوم
په خپل تندي كي پر جانان باندي غزل وليكم
جهاني ځمه له قلم څخه كسات اخلمه
په زړه ظالم پر شنه آسمان باندي غزل وليكم
ويرجينيا
2005/22/9
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320