یو یابو په غنم بار وو بل په زرو
لنډول یې اوږده لاره په خبرو
دواړه تلله تر درنو بارونو لاندي
کله یو کله بل سو وروسته وړاندي
پر هغه یابو چي بار وه سره مهرونه
په نخرو نخرو یې اخیستل ګامونه
هم یې نوي هم زریني زنګولې وې
پر تندي یې نظرماتي شنې دانې وې
په غنمو بار یابو ته ور نیژدې سو
یو ځل مخته بیا له وروسته ورپسې سو
ویل واوره دا موږ دواړه یابوګان یو
ټوله عمر په خدمت کي د انسان یو
مګر ته به غنم بار یې زه په زرو
تاته نه ښايي سیالي د زورورو
چي زه څوک یم درته وايي زنګولې مي
پر تندي چي را ځړېږي شنې داني مي
په غنمو بار یابو وویل وروره
ته یابو زه هم یابو له یوه کوره
که غنم که سره مهرونه دي د بل دي
وظیفه مو تر منزله رسول دي
زما او ستا برخه اوربشي دي واښه دي
په خواري چي یې ګټو د بل په ښه دي
ته حساب کوه د لاري د مزلونو
تاته نه رسېږي برخه د مهرونو
نه غنم نه سره مهرونه زما او ستا دي
هم بارونه هم یې ګټي د بل چا دي
دوی لګیا وه په خوږو خوږو خبرو
را څرګنده سوه غدۍ د یرغلګرو
هري خواه سولې ډزي د توپکو
ځناور او انسانان سول په ترپکو
په سرو زرو بار یابو وو چا ویشتلی
هم پر پښو هم په ورانه کي لګېدلی
نور له ځایه څخه نه سو خوځېدلای
بار لا پرېږده چي خپل ځان یې نه سو وړلای
چا ترې وړي زنګولې او شنې دانې وې
نه ورپاته کرشمې وې نه نخرې وې
ترې روانه سوه ټولۍ د انسانانو
په شېله کي منتظر سو د کارګانو
چي یې عقل د یا بو وي نه پوهېږي
د پردیو په مهرونو به نازېږي.
د ۲۰۱۸ کال د مې اووه لسمه ویرجینیا
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
