دا ته څوک یې چې ښامار سره په جنګ یې؟
لکه تندر راپرېوتی پر نهنګ یې
دا ته څوک یې چې توپان سره لوبېږې؟
څومره زغرد یې، څه پیاوړی، دا څه دنګ یې
دا ته څوک یې ؟ او له کومه یې راغلی؟
سوی لوی د ټبر په غم داغلی
له میرویس او ستر احمد سره دې څه دي؟
چې لوی قام دې بیا په شور دی راوستلی
خامخا دې له خوشال سره خپلوي شته
بایزید غوندې دې روح کې روښاني شته
د سرتور ملنګ څه کېږې راته وایه ؟
چې دې داسې په تندي کې رڼايي شته
چې راتلې ایپي دې ولیده په لار کې ؟
پوونده سره دې څه وویل په ( ښار) کې ؟
سره ټوپۍ کې دې د کوم ولي تاویز دی؟
چې یادېږې په ټپه او یکه زار کې
دا ته څوک یې ؟ وایه څنګه دې بېدار کړ
دا مړ قوم دې لا په کوم غږ را دوڅار کړ
اباسین ته دې په غوږ کې دا څه وویل؟
چې روان دې له هېلمند سره په لار کړ
د دې ولس د ستر پاڅون اورنی باب شوې
په خپل لاس د خپل تقدیر نوی کتاب شوې
د پښتون له سوې زمکې پاڅېدلیه
انقلاب شوې، انقلاب شوې، انقلاب شوې
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
