جاويد هميم کاکړ
کابل (پژواک، ۲ مرغومی ۹۷): د ملي دفاع وزارت وایي، هوایي ځواکونو له امریکا څخه څلور نور ایم ډي ۵۳۰ ډوله بمبار کوونکې چورلکې ترلاسه کړې دي.
د دغه وزارت ویاند جاوېد احمد غفور د مرغومي په ۲مه، پژواک خبري اژانس ته وویل چې دا څلور الوتکې افغان هوایي ځواک ته پرون وسپارل شوې.
د نوموړي په وینا، د دې چورلکو لپاره پیلوټان ښه روزل شوي او نور پیاوړي تخنیکي کارکوونکي هم لري او په جګړه ییزو عملیاتو کې به ترې ګټه اخیستل کېږي.
نوموړي دغه چورلکې په عملیاتو او جګړو کې ډېر اغېزمنې وبللې او ویې ویل چې اوس مهال په ډېرو عملیاتو او جګړو کې له همدې بمبار کوونکې چورلکو کار اخیستل کېږي.
بلخوا د امریکا متحده ایالتونو دفاع وزارت (پنټاګان) ویلي دي چې د ۲۰۱۹ زېږديز کال د مارچ تر میاشتې پورې به د امریکا له خوا افغان هوایي ځواکونو ته ۷ نوې جنګي او کشفي الوتکې ورکړل شي.
پنټاګان د افغانستان د امنیت او ثبات په اړه په خپل تازه راپور کې ویلي چې د افغان امنیتي او دفاعي ځواکونو د وړتیاوو د لوړولو په هدف، د افغانستان د هوایي ځواکونو د عصري کولو لړی دوام لري چې تر دا مهاله یې شاوخوا ۳۰ بلک هاک ډوله څرخي الوتکې د افغانستان هوایي قواوو ته سپارلې دي.
د امریکا د دفاع وزارت په وینا، افغان هوایي ځواکونه به لومړنۍ AC-208 ډوله جنګي او څارګره الوتکه د ۲۰۱۹ زېږديز کال په جنوري میاشت کې ترلاسه کړي.
پنټاګان په خپل راپور کې دا هم ویلي، چې د ۲۰۱۹ کال د مارچ تر میاشتې پورې به ټولټال ۷ نوې جنګي او څارګرې الوتکې د افغانستان د هوایي ځواکونو په واک کې ورکړل شي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
