د افغانستان کرکټ بورډ نن شنبه د مرغومي په ۱۳مه د ايرلنډ خلاف هغو ورځنيو لوبو په موخه د ۱۶ کسيزې لوبډلې نوملړ اعلان کړ، چې د کرکټ نړيوالې شورا له لوري د ليګ په ترڅ کې ترسره کېږي.
د کرکټ بورډ د مالوماتو له مخې، د افغانستان کرکټ ملي لوبډله به د دغه ليګ سياليو په ترڅ کې له ۸ هېوادونو سره درې درې لوبې ترسره کړي. د افغانستان کرکټ بورډ د رسنيو مسوول حکمت حسن وايي، دا لوبې د کرکټ يو ورځنيو لوبو راتلونکي نړيوال جام ته د لار موندنې په موخه ټولو لوبډلو ته مهمې دي او په خبره يې د افغانستان کرکټ ملي لوبډله هم يو له هغو لوبډلو ده، چې په ياد جام کې د ګډون په هدف بايد له ټولټال ۲۴ لوبو ۱۴ هغه وګټي.
نوموړي په دې اړه خبرو کې وويل: «دغه لوبې د خورا اهميت درلودونکي دي او مونږ بايد مستقيم نړيوال جام ته لاره پيدا کړو.»
ايرلنډ، سريلانکا، پاکستان، هندوستان، زيمبابوې، نيدرلنډ، بنګلدېش او اسټراليا هغه ۸ هېوادونه دي چې ټاکل شوې له لوبډلو سره يې د کرکټ نړيوالې شورا په دې ليګ کې افغان لوبډله هم ۳-۳ لوبې وکړي.
د کرکټ بورډ مسوولان دغه راز زياتوي چې د کرکټ ملي لوبډله دې لوبو ته پوره چمتوالی لري. ځکه په خبره يې د کرکټ ملي لوبغاړو په کابل، کندهار او ننګرهار سربېره په ځينو بهرنيو ليګونو کې متعدد تمريناتي کمپونه لوبولي دي.
ټاکل شوې د کرکټ نړیوالې شورا له لوري د يو ورځنيو لوبو دغه ليګ په روانه جنورۍ کې پيل شي او افغان لوبډله به هم په کې خپلې لوبې لومړۍ له ايرلنډ سره پيل کړي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320