ايا پراسټامول د وينې فشار لوړوي؟
د یوې نوې علمې سروې پایله ښیي چې د دردونو مخنیوي لپاره د پراسټامولو دوامداره کارول په هغو کسانو کې چې د وینې له لوړ فشاره کړېږي د زړه او د مغزې حملو چانس زياتوي.
له دې کبله ډاکترانو ته سپارښتنه شوې چې ناروغ ته په دوامداره توګه د پراسټامول ورکولو وړاندې يې ګټې او زیانونه وارزوي.
د نړۍ لر او بر کې پراسټامول د دردونو د مخنیوي لپاره کارول کېږی او همدا راز له دې سره چې د دوامداره دردونو د مخنیوي برخه کې يې اغېزمنتیا ثابته نه ده خو بیا په دې موخه استعمالېږي.
په ۲۰۱۸ کال کې د سکاټلند د نفوس هرو لسو کې یوه ته ډاکترانو په نسخه کې پراسټامول ورکړي وو.
پلټونکو په دغه څېړنه کې ۱۱۰ تنه تر څار لاندې نیولي وو چې په هرو دريو کې دوو یې د لوړ فشار یا هایپر ټنشن کنټرول لپاره دارو هم خوړل.
پرته له دې چې خلک په نښه شي له دوی وغوښتل شول چې د دوو اونیو لپاره د ورځې څلور ځله یو ګرام پراسټامول وخوري.
معمولا دغه اندازه پراسټامول هغو کسانو ته ورکول کېږی چې دوامدار دردونه ولري . بیا دوي ته د دوه اونیو لپاره د پراسټامول په نامه نور شیان چې اصلا دارو نه وو، ورکړل شول.
د پلټنې پایله کې جوته شوه چې پراسټامول د وینې فشار پورته بیایي او د وینې لوړ فشار، د زړه د حملو یو له عمده لاملونو ګڼل کېږی.
خو هغو ته چې د پراسټاول پر ځای نور څه ورکړل شوي وو، فشار یې په خپل حالت پاتې و.
له دې کبله د پلټنې د پایلې له معلومېدو وروسته ډاکترانو ته سپارښتنه وشوه چې د دوامداره دردونو لپاره کمه اندازه پراسټامول ناروغ ته ورکړي.
په ورته مهال هغو کسانو ته چې لوړ فشار لري او پراسټامول ورکول کېږي هغوی تر جدي څار لاندې وساتي.
البته پلټونکي باور کوي چې د ځان درد یا سر درد لپاره کله ناکله د پراسټامول خوړل څه تاوان نه لري.
دې او ځينو نورو پلټنو کې يو شمېر ډاکتران په دې باور دي چې پراسټامول یوه اندازه فشار پورته بیایي خو داسې ډاکتران هم شته چې وایی باید په دې برخه کې نورې زیاتې پلټنې هم وشي.
دغه ډله ډاکتران وايي لا جوته نه ده هغه کسان چې لوړ فشار لري ایا د هغو دغه لوړ فشار به په دوامداره توګه د دوی د پراسټامول خوړلو سره تړاو لري که څنګه او بل دا استدالال هم کوي چې لا جوته نه ده چې د پراسټامولو ډېره کارونه به د زړه د رګونو د ناروغۍ سبب ګرځي که نه، نو له دې کبله دوی په دې تړاو د نورې زیاتې پلټنې غوښتنه کوي.
خو زما په خپل نظر که څوک د وينې د لوړ فشار اړوند ناروغۍ لري،دوى بايد د درد لپاره NSAIDS يا تر ټولو ښه درمل پکې لکه اسپرين استعمال کړي خو په کمه اندازه.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.