د اوسپڼۍ پټلۍ له لارې ۶۷ زره ټنه توکي بهر ته صادر شوي دي

د اوسپڼۍ پټلۍ له لارې ۶۷ زره ټنه توکي بهر ته صادر شوي دي

د اوسپڼۍ پټلۍ اداره وايي، په تېره یوه اونۍ کې ۶۷ زره او ۶۷۷ ټنه انتقالات شوي. دغې ادارې په یوې خبرپانه کې لیکلي، چې یاد انتقالات د اقینې، حیرتان او تور غونډۍ بندرونو له لارې شوي. د خبرپاڼې په حواله، د دغو انتقالاتو ډېره برخه د حیرتان بندر له لارې ده چې ۴۳ زره ۸۲۵ مټریکه ټنه کېږي. د اوسپنۍ پټلۍ ادارې د معلوماتو له مخې، په یادو انتقالاتو کې نفتي، غیرنفتي او نور مواد افغانستان ته وارد شوي دي. د یادې ادارې په وینا، په دغه اونۍ کې له دې لارې له افغانستان نه ۹۸۴۰ مټریکه ټنه صادارت هم شوي چې لویه برخه یې ممیز دي. دغه صادارات او واردات ازبکستان، تاجکستان او ترکمنستان ته شوي.

او بل خبر دا چې،په افغانستان کې لوږه د پراختیا په حال کې ده

د افغانستان پر بیا رغونه د امریکا ځانګړې څارونکې ادارې یا سیګار په تازه راپور کې ویلي چې د لوږې پراختیا په افغانستان کې په ناورین اوښتې ده. دغه اداره وايي چې په افغانستان کې همدا اوس ۱۹ میلیونه وګړي د خوراکي توکو له جدي کمښت سره مخ دي او تر څنګ یې بیا شپږ میلیونه وګړي له قحطۍ سره مخ دي چې په یو وخت ډوډۍ پورې حیران دي. دغه اداره همدا راز وایي چې له دې ډلې ۱.۱ میلیونه یې ماشومان دي. سیګار وایي چې په افغانستان کې د لوږې د پراختیا کچه مخ پر لوړ مزل کوي او دا هر څه د اندېښنې وړ دي، نو نړیوال بنسټونه دې د افغانانو لاسنیوی وکړي. تر دې وړاندې ګڼو نورو نړیوالو بنسټونو هم په افغانستان کې د لوږې اوسنۍ کچه او پراختیا د اندېښنې وړ بللې وه.