لنډۍ، د ثبتولو ستونزه

لنډۍ، د ثبتولو ستونزه

یوسلوپنځه اویایمه برخه

ځان ته په خپله ډاډ په کار دی

‎مدام به څوک ډاډه کوي داغلي زړونه

 

که د لالي خاطر مې نه وي

چیرته خندا، چیرته زموږ داغلي زړونه

 

د مینې لار ډېره اوږده ده

د نفرتونو لارې ډېرې لنډې دینه

د نویو او په زړه پورو لنډیو په دې برخه کې مې دا لنډۍ تاسو درنو لوستونکو ته راټولې کړې دي:

د نصيبونو ويش شروع و

ما لیونی کچکول چپه نیولی وونه

 

د نصیبونو فیصلې دي

د زړه په خوښه یاران چا موندلي دینه

 

که د لالي خاطر مې نه وي

چیرته خندا، چیرته زموږ داغلي زړونه

 

په خدای که ټکی هم خوشحال وم

د زړه په زور خندا کوم وخت تېره ومه

 

د نصیبونو فیصلې دي

د زړه په خوښه یاران چا موندلي دینه

 

خلک به وسوځي په اور کې

که سره لمبه له زړه د باندې و باسمه

 

له مسافرو گیلې مه کړئ

وړې ـ وړې خبرې زړه ته غورځوینه

 

د مېښې زوی کرار ویدۀ دی

چې وچ ویښتۀ ږمنځوم ښېرا کومه

 

په مخ دې بیا څپـېـړې راکړې

په سترګو ړوند شې پېغلې چا وهلي دینه

 

څنګه مې زړه کې را زرغون وې

څنګه مې کډې درنه لرې تللې دینه

 

 

د نصيبونو ويش شروع وو

ما لیونی کچکول چپه نیولی وونه

 

سړیه ټول کټ دې نيولی

زما نرۍ ملا پر بازو ده، مړه دې کـړمه

 

لاسونه کلک رانه چاپير کړه

په هديرو کی مئین بیل ـ بیل خښوینه

 

‏زما د سرو زرو وطنه

‏تر بڼې سپک شوې، د بې قدرو په لاسونه

 

بارانه ورو، ورو پرې ورېـږه

زما لالي ته دې لامدهٔ کړل کتابونه

 

د خلکو عقل سر ته راغی

باران شروع شو خدای دوعاوې قبلوینه

 

زما د کلي قسمت خوار دی

چې ونې شنې شي، ځمکه رنګ پۀ وینو شینه

 

د باچاهۍ لايقې پېغلې

ستا د اوربل ګردونه زړه ارې کوينه

 

زما ټوټې، ټوټې زړګیه

چې مازدیګر شي په جارو دې ټولومه

 

حلالولو ته مې بوځه

د تنهایۍ شپو ته مې مه پرېـږده لالېه