عمران خان تر ټپي کېدو وروسته بیا خپل اعتراضونه پیل کړي

374
6 ساعتونه مخکې

رپوټونه وايي چې د پاکستان پخوانی صدراعظم عمران خان د شنبې په ورځ خپلو زرونو پلویانو ته بيا وينا کوي. د پاکستان پولیس وايي دا ځل به پلازمینه اسلام آباد ته د خان د پلویانو د داخلیدو پر وړاندې په ډير قاطعیت سره اقدام وشي.

دا روانه میاشت په یوه وسله وال بريد کې د خان تر ټپي کېدو وروسته د هغه لومړی ځل دی چې په عام محضر کې راڅرګنديږي.

د تحریک انصاف پاکستان د ګوند مشر، عمران خان پر هغه د شوې حملې پړه چې خان پکې په پښه ټپي شو، پر خپل ځايناستي شهباز شريف وراچوي. د عمران خان ټپي کېدل د پاکستان په سیاسي ناآراميو کې چې په اپریل میاشت کې د نوموړي له سلب صلاحیت کېدو سره پيل شوي، وروستی مورد دی.

خان له واکه تر لرې کېدو وروسته له وخت څخه دمخه د انتخاباتو په ترسره کېدو ټينګار کوي په داسې حال کې چې د پاکستان پارلماني انتخابات د راتلونکي کال په اکتوبر کې رابلل کیږي. خان د دې له پاره چې حکومت د هغه غوښتنې ته غاړه کېږدي تر اوسه يې پر حکومت د فشار راوستلو په موخه څو ځله ستر لاريونونه ترسره کړي چې د هغه ګوند ورته د «لانګ مارش» نوم ورکوي.

د پاکستان پخوانی صدارعظم عمران خان د نومبر په ۳مه د لاریون پر مهال د یوه حمله کونکي له خوا په ډزو ټپی شو
د پاکستان پخوانی صدارعظم عمران خان د نومبر په ۳مه د لاریون پر مهال د یوه حمله کونکي له خوا په ډزو ټپی شوانځور: K.M. Chaudary/AP/dpa/picture alliance

اسوشتید پریس له راولپنډۍ څخه په خپل رپوټ کې لیکي، عمران خان د شنبې په ورځ سهار وختي پر ټويټر ليکلي وو: «زما ژوند په خطر کې دی او سربېره پر دې چې ټپی یم، د ولس له پاره راولپنډۍ ته روانیږم.» خان زیاته کړې ده: «زما ولس به زما له پاره راولپنډۍ ته راشي.» عمران خان پر خپله فيسبوک پاڼه يوه ويډيو هم خپره کړې چې په کې د موټرو اوږده کتارونه لېدل کيږي چې په ځينو کې ېې بېرغونه ليږدول کیږي. په دغه ويډيو کې یوه پښتو سندره «د پښتنو سندرې وایه» غږول کيږي.

ويل شوي چې د شنبې ورځې لاریون به د راولپنډۍ ښار چې د پاکستان د پوځ کور ګڼل کيږي او پلازمينې اسلام آباد تر منځ په یوه راڼه میدان کې ترسره شي.

په رپوټ کې راغلي چې چارواکو د اسلام آباد له اطرافو اوسپنيزې موانع راچاپيرې کړي، په زرونو امنيتي ځواکونه يې استخدام کړي او سړکونه يې بند کړي تر څو يې د حکومتي ودانیو پر لور د خان د پلويانو د تلو مخه نيولې وي.

د عمران خان د تحریک انصاف ګوند د می میاشتې په لاریون کې پلازمینه اسلام آباد د ۲۴ ساعتونو له پاره له هرج و مرج سره مخ شوه او په ټول پاکستان کې د پولیسو او د خان د پلویانو تر منځ اخ و ډبونه رامنځ ته شول.

د پاکستان پولیسو ويلي دي چې دا ځل به اسلام آباد ته د تحریک انصاف ګوند د پلویانو د داخلیدو هر ډول هڅه له قاطع غبرګون سره مخ شي.

عمران خان تر ټپي کېدو مخکې د خپل لانګ مارش د پېليدو پر مهال ويلي وو چې دوی اسلام آباد ته چا سره د جګړې له پاره نه ځي او د اسلام آباد ريډ زون يا سرې ساحې ته نه داخليږي. خان دا هم ويلي وو چې په سیاست کې د مذاکراتو لار بنده نه وي او د هغه ګوند د خپلو غوښتنو په تړاو مذاکراتو ته تیار دی.

عمران خان په خپلو لاریونونو کې چې ګوند ېې ورته د «لانګ مارش» نوم ورکوي له حکومته د بیړنیو انتخاباتو غوښتنه کوي
عمران خان په خپلو لاریونونو کې چې ګوند ېې ورته د «لانګ مارش» نوم ورکوي له حکومته د بیړنیو انتخاباتو غوښتنه کويانځور: Arif Ali/AFP/Getty Images

د پاکستان د کورنیو چارو وزير، رانا ثناالله د جمعې په ورځ د اجتماع په هکله د امنیتي ګواښونو یو خبرداری خپور کړ.

د کورنیو چارو وزیر ويلي دي: «د پاکستان تحریک انصاف ګوند له پاره هم وخت دی چې (دغه لاریون لغوه کړي).» هغه زیاته کړې ده چې د پاکستاني طالبانو او القاعده شبکه يې د هغو سخت دريځو ډلو په نوملړ کې راوستلي چې کېدای شي خان ته زیان ورسوي.

عمران خان وايي له واکه د هغه لرې کول يوه توطیه وه او نوموړی په دغه توطیه کې رانا ثنااالله هم ښکيل بولي.

د پاکستان حکومت وايي چې په عمران خان باندې حمله د یوه شخص له خوا شوې چې اوس په توقیف کې دی او هغه کس وايي پر عمران خان يې ځکه حمله وکړه چې د اسلام پر ضد دی.

د عمران خان د ګوند د شنبې ورځې لاریون داسې وخت تر سره کيږي چې حکومت دوه ورځې مخکې د پاکستان د استخباراتو ادارې پخوانی مامور، جنرال سید عاصم منیر د پاکستان د پوځ د نوي مشر په توګه وټاکه.

دویچه ویله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.