پر تعلیم بندیز 

659

پر تعلیم بندیز 

چیست یارانې طریقت بعد از این تدبیر ما؟

د نړ‎ۍ په ھیڅ گوټ کې به داسې کوم مسلمان عالم پیدا نکړ‎ای شو چې د جینکو د تعلیم پر حرمت فتوا ور کړ‎ي!

نژدې ټول امارت د دې فیصلې مخالف دی، نو ننگول یې د امارت د ننگولو په مانا نه دہ بلکې د ھغو څو بې درایته

او مصلحت نه پیژندونکیو شیخانو شخصې سلیقې ته د ځواب پر مانا دی چې په لوی لاس امارت او ولس د یو بلپه مقابل کې دروي!

د جینکیو پر تعلیم بندیز ښایي ډیر وخت دوام ونکړ‎ي ځکه چې:

۱- دا یو غیر فطري، غیر طبیعي او غیر منطقي عمل دی

۲- پخپله ۹۰ سلنه امارت یې مخالف دی

۳- ھیڅ شرعي مُبرَم نه لري

۴- ښایي ولس یې په مقابل کې بې تفاوته پاته نشي

۵- پر ننگولو یې بې اطاعتي نه راځي ځکه اطاعت پر شرعي امورو کې واجب دی، که داسې په ھر څه کې اطاعت واجب

وای نو امام اعظم ابو حنیفه رحمه الله به د خلیفه منصور د حکم پر نافرمانۍ تعذیب او بندیخانې نهلیدلې.

پیغمبر علیه السلام فرمایلي:  لا طاعة لمخلوق في معصية الخالق. د الله په نافرمانۍ کې د مخلوق اطاعت نشته.

بلکې د صحیح حدیث له مخې  د امیر اطاعت یواځې په رواہ شیانو کې واجب دی: إنما الطاعة في المعروف. رواہالبخاری و المسلم و غیرھما

زہ اوس دلته د ھمدې شیخانو مخې ته یو څو پوښتنې ږ‎دم، ھیله دہ ځواب یې کړ‎ي!

۱- آیا حاضر دی د خپلې دې فیصلې د روا والي لپارہ پر شرعي دلایلو استوارہ فتوا ورکړ‎ي؟ که یې ورکړي نوآیا دا فتوا به

 یې یواځې د افغانستان د مسلمانانو لپارہ وي، او که د نړ‎ۍ‎ د مسلمانانو لپارہ به ھم وي؟

که د ټولې نړ‎ۍ د مسلمانانو لپارہ وي، د کوم علمي لاسوند او شرعي دلیل له مخې یې پر منئ؟

او که یواځې د بدمرغه او خاورې په سر افغان ولس لپارہ وي نو دې یو بام او دوہ ھوا ته کومه شرعي توجیه لري؟

که د ټولې اسلامي نړ‎ۍ د سترو علمای کرامو په ټولي کې خپلو دې څو شیخانو ته وگورو نو په اوړ‎و کې د مالگېپه اندازہ

ھم نه دي، نه د علمي وړ‎تیا له مخې او نه ھم د جماعت او قاطع اکثریت له مخې!

نو په حقیقت کې دوی ته پکار وہ چې د سواد اعظم لار یې د دې مبارک حدیث په رڼا کې تعقیب کړ‎ي وہ :

إِنَّ اللَّهَلَا يَجْمَعُ أُمَّتِي عَلَى ضَلَالَةٍ ، وَيَدُ اللَّهِ مَعَ الْجَمَاعَةِ. رواہ الترمذي ( الله عزوجل  مسلمانان پر گمراھۍ نه یو ځایکوي ).

۲- اوس ھم د ھغو  امارتي مشرانو لوڼې، خویندې، لمسیانې او نورې زنانه چې په نورو

ھیوادونو کې میشت دي،په علمي مراکزو کې درسونه وایي!

آیا د ھغوی زنانه ھم د دې فرمان په ساحه کې راځي؟

۳- که د ولس ھغه برخه چې د خپلو خویندو او لوڼو د تعلیم او تحصیل ستونزہ یې اجباري مھاجرت ته اړ‎ کوي،

او ھغوی  په نورو ھیوادونو کې د فتنو، اخلاقي فساد او یا کفر ښکار کیږ‎ي، شرعي مسؤلیت به یې د چا پر غاړ‎ہوي؟

 ھغه څو لنډ اندي شیخان به د الله په حضور کې څه ځواب وایي، چې بې انصافه او له عدل څخه لیرې سلیقوي

پریکړ‎ې یې  ولس له داسې یوہ نامطلوب حالت سرہ مخ کړ‎ی؟

۴- آیا دې شیخانو کله دا فکر کړ‎ی چې ھغوی په داسې فرمانونو نورې نړ‎ې ته د اسلام او په ځانگړ‎ي توگه د

امارت کوم تصویر وړ‎اندې کوي؟

۵- آیا دا محترم شیخان په دې پوھیږ‎ي چې د دوی له دې فیصلې سرہ نه امارت او نه ولس متفق دی؟

که د امارت په صفوفو کې اختلاف او په مجموع کې ولسي نافرمانۍ ته لیار خلاصیږ‎ي،

 مسؤلیت به یې ھم د دویپر غاړ‎ہ وي؛ دیني او دنیوي!

۶- آیا ھغوی په دې پوھیږ‎ي چې د خپلې ھمدې فیصلې له لیارې په غیر شعوري توگه د خپل پټي  اوبه پر جگه

غاړ‎ہ د گاونډي ژرندې ته سیخوي؟!

۷- آیا دې شیخانو صاحبانو کله دا فکر کړ‎ی چې دې فرمان ولس، امارت، د امارت خواخوږ‎ي او عام مسلمانان

څرنگ د ویر پر ټغر کینولي؟

څرنگ یې د امارت د مخالفینو تبر ته لاستی مھیا کړ‎ی او څرنگ یې د امارت سیاسي او فرھنگي

خواخوږ‎یو ټولې ھڅې او بریاوې په صفر کې ضرب کړ‎ي؟!

۸- آیا د امر ثاني لپارہ د کوم وخت تحدید شته؟ ځکه د امر ثاني د کلیمې اطلاق پر داسې یو وخت کیږ‎ي

چې له اوس څخه پیل د قیامت تر ورځې پورې په بر کې نیسي!

آیا د دې کلیمې پر کارونه خو به  ولس ته د یوې نامعلومې ھیلې پر ورکولو،

ځانونه له ولسي غضب  څخه نه ژغوري؟

پایله

ډیر وخت داسې څه پیښیږ‎ي چې انسان یې پخپل شر بولي خو پایله یې پخیر وي:

وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ . البقرة

له ډیر وخت څخه شف، شف ویل کیدل. ښه دہ چې شفتالو شو.

اوس باید دا محترمین دومرہ اخلاقي جرئت ھم وکړ‎ي چې ولس ته ووایي د دوی د امر ثاني زماني واټن څومرہدی؟

که بیا د تیر پڅیر د شرعي او مصؤن چاپیریال بھانه وي نو ھغه خو امارت په نژدې دوہ کلونو کې جوړ‎ نه کړ‎ایشو!

آیا دا پخپله د دې ښکارندویي نه کوي چې د امارت تعلیمي او تحصیلي چارواکي پخپلو دندو کې پاته راغلي

 او ددې مھم سکتور د جاري ساتلو وړ‎تیا نه لري؟

که داسې وي، بیا خو پکار دہ چې د چارواکیو پر ټاکنه نظرې ثاني وشي، نه د تعلیمي او

 تحصیلي بنسټونو پربندولو امر ثاني!!!

اوس باید د امارت ھغه چارواکي چې د ولس له نبض سرہ یې زړ‎ونه درزیږ‎ي، خو وس یې نه رسيږ‎ي د ولس پهخوا کې ودریږ‎ي!

 د خپلو چوکیو ساتنې او محافظه کاري پر ځای  د امارت ژغورنې په فکر کې شي!

ھغه لوړ‎ پوړ‎ي چارواکي، وزیران، د مستقلو ریاستونو ریسان او نور چې تر نن پورې یې د اوبو څښلو پر مھال

ھم د مشرانو سترگو ته کتل، نور له خدایه وویریږ‎ي او د امارت د سالمې بقا لپارہ لاس په کار شي!

که ولس شته، شریعت او امارت دواړ‎ہ شته خو که ولس مو له لاسه لاړ‎، بیا ھیڅ ھم نشته!

د اسماني سوټي راتگ بې اوازہ وي!

راځئ د خپلو شخصي سلیقو پر سپږ‎و د امارت پوستین ته اور وا نه چوو!

راځئ د امارت عسکري وکړ‎و، نه د افرادو.

و ما علینا الا البلاغ

_______________________________

حفیظ الدین پیرزادہ

د دسمبر ۲۱/ ۲۰۲۲ م

لندن

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.