درنو  طالبانو۔ ۔ ۔ ۔ ۔ ۔ ۔

درنو  طالبانو۔ ۔ ۔ ۔ ۔ ۔ ۔ 

د اسلامى امارت درنو چارواکو  ۔ 

استاد عمر پاڅون

د ښځينو و محصلينو پرمخ  د پوهنتونونو دروازو تړلو پريکړه مو ډيره دردوونکى ده ـ

نړپوال غبر ګونونه هم ډير درانده دى ـ

تقريبا د چين او روس څخه سر بيره په ټوله لويديځه نړۍ کى ورسره ورسره په اسلامى هيوادو نو کى ډير ګرم شور او زوږ روان دى ـ

افغانستان د  ډير حساس پړاو څخه  تيريږى ـ

 لومړى دا چى پخپلو ټولو کارنامو باندى اوبه مه تويوۍ ـ

 دوهم که يو ځلى سراسرى دهيواد دپوهنتونونو محصلين لارو کوڅو ته ووتل بيا به يى ټولګيو ته ننويستل خورا ګران او بيه به  يى به هم درنه وى ـ

دايران څخه عبرت او پند اخستل پکاردى ـ

ټول ايران :  يو پرمختللى ملت ، يو غښتللى دولت او حکومت د يوى

پيغلى په مرګ لرزيږى ـ

 زمونږ دخويندو او لوڼو پر مخ دپوهنتونونو دروازو تړلو مسله د ايران د مسلى څخه په وارو وارو درنده ده ـ

دريم داچى تاسى چى تر  دى ځاى رسيدلى ياستۍ د لوى الله تعالا مرسته ، ددى مظلوم او مجاهد ملت ملاتړ  او ددى خويندو او ميندو دوعا وه ـ

که يو ځلى ملت  درڅخه زړه تورى شو  او هم د ملت دملاتړ څخه بى برخى شوى  کوم چى ستاسو او د

افغانستان دښمنان همدا غواړى بيا به هم  تاسى هم دا ملت او هم به دا هيواد دډيرى بدى ورځى سره مخامخ شى ـ

نن په لويديځ او هم په اسلامى نړۍ کى همدا يو غږ دى چى طالبان دى زر تر زره دا پريکړه بيرته واخلى

  پکار ده چى اسلامى امارت زمونږ دګران ملت ، داسلامى امت او د نړيوالو غږ په وازو غوګونو واورى مخکى لدى چى هر څه ترخه او وخت هم ناوخته شى ـ

خپله ليکنه نه اوږدوم ـ

د اسلامى امارت چارواکو مخ ته د الفت صيب دا شعر ږدم

ملت لرى پوليس او پهرادار

خزانى خپلى ساتلى شى سرکار

خو دعام نفرت نه ځان ساتللى نشى

په توپونو په ټانکونو زرهدار

—————————————————————————————————–