شاه رخ خان: که مور مې ژوندۍ وای نو راته ویل به یې

شاه رخ خان: که مور مې ژوندۍ وای نو راته ویل : لږ څه شی وخوره

د بالیووډ پاچا شاه رخ خان وايي، که نن مې مور وای، نو ویل به یې چې ته ډېر کمزورې شوې، لږ خوراک وکړه او وزن دې زیات کړه.

شاه رخ خان په دې وروستیو کې هندي رسنیو ته په یوه مرکه کې د خپل مور او پلار په اړه په زړه پورې خبرې کړې دي. له شاه رخ خان څخه وپوښتل شول چې که نن ستاسو مور او پلار شتون درلود، نو ستاسو په لاسته راوړنو به د دوی تاثیرات څه و؟ په دې اړه شاه رخ خان وویل چې مور او پلار به یې د ده په بریا ویاړ کوي.

هغه وویل، زه فکر کوم چې زما مور او پلار دواړه به زما په لاسته راوړنو ډیر ویاړي، که زه ورته دا وویلی شم چې زه بریالی شوی یم. شاه رخ خان وویل، هغه به په دې ډېر وویاړي چې ما خپل درې ماشومان لوی کړي دي.

شاه رخ خان زیاته کړه، که مور یې ژوندۍ وای، نو لومړی به یې راته ویلي وای، چې ته ډېر نرۍ یا کمزوری شوی یې، وزن دې زیات کړه، خوله دې وګوره څنګه دننه شوه، غمبوري دې هم تش شوي، نو لږ څه شی وخوره.

شاه رخ خان څه موده وړاندې په یوه مرکه کې ویلي و، چې هیڅ ډول خواړه په خوند نه خوري، ځکه د خپلې مور د کور له خواړو پرته نور هیڅ ډول خواړه نه خوښوي.

*****************************************