لنډۍ، د ثبتولو ستونزه/ ۲۱۲ برخه

آصف بهاند

379

 

ما ویل دا ټوله مځکه اور ده

مکتب مې بند دی، زه به چا ته کړم عرضونه

 

کۀ غږ مې اورې، اواز وکه

د سر کوپـړۍ مې ښايي دړې‌وړې شینه

 

زما ټوټې ـ ټوټې زړګیه
چې مازديګر شي له فیسبوک دې ټولومه

 

د لنډیو د دې برخې له‌پاره مې دا لنډۍ راټولې کړې دي:

 

پر زړۀ مې څه بلا پرته ده

عالم ته روغه په خندا ولاړه یمه

 

جنګه د ځان سره دې بیایم

له ګړنګونو نه دې ښکته غورځومه

لالیه غبرګ راسره ژاړه

د جدایۍ خبرې موږ خرابوینه

 

د پاچاهۍ لایقه یاره

چې په اوربل دې غبار کینې وژاړمه

جانان به سر راپورته نه کړي

که د خازې خوا کې ولاړه وچه شمه

 

له غریبۍ مې ګیله وشي

ګنې د څنګ ملگري هېڅ‌څوک نه پرېـږدینه

 

ما ویل دا ټوله مځکه اور ده

مکتب مې بند دی، زه به چا ته کړم عرضونه

 

د بل وطن په مېلو ورکه
د مور نازکه غم دې تکه ژېـړه کړمه

 

کۀ غږ مې اورې، اواز وکه

د سر کوپـړۍ مې ښايي دړې‌وړې شینه

 

و به دې نه بښم جانانه

زما پرزړه باندې دې ایښي دي اورونه

 

زما ټوټې ـ ټوټې زړګیه
چې مازديګر شي له فیسبوک دې ټولومه

 

د سوي لاس پوښتنه کېـږي

د سوي زړه پوښتنه هيڅوک نه کوينه

 

يو د وطن غمونه ډيـر دي

بل مې د ښې ورځې ياران بايللي دينه

 

د سپېنې خولې حجاب مې مات شو
د ژاولـــو ټک می هــلــکــانــو واوریــدنــه

 

چې غلې نه شې، پام دې نیسه

اوس هغه نه یم اندېښنو خوړلې یمه

 

د خوشالۍ دښمن ته وایه
سبا اختر دی، څوک دې نۀ ازاروینه

 

د کوټې تير راباندي پروت وای

راباندي نه وای د زاړه سړي لاسونه

 

له مجبـورۍ مې کـډې بـار کـړې

چې مجبور نه وي، څوک خيالي کابل پرېـږدينه

 

په چا به کور کلی ورانیـږي

په چا ورانیـږي تر کابله وطنونه

 

څنګه د یو بل لیوني وو

څنګه مو واخستل له یو بل نه لاسونه

***************************************

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.