ژباړه / سحرګل سحر
په هند کښي د شیرشاه نامو د ډلي څخه یو داسي بادشاه تېر سوی دی چي د هغه ښه اعمال تر اوسه پوري خلک نه هیروي ، هغه ډېر زړه ور ، بې حده هوښیار ،انصاف خوښوونکی او یو مدیر بادشاه وؤ ، هغه د عدالت د پلي کولو لپاره ډېر کارونه وکړه او داسي قوانین یې جوړ کړه چي تر اوسه پوری د هند حکومت ګټه ورڅخه اخلي .
د انصاف په پلي کولو کښي هغه دومره ښه وؤ چي دهغه زوی به هم ورڅخه پدې برخه کښي بخښنه غوښته.
یو ورځ دده زوی عاقل خان پر فیل باندي سپور او روان وؤ چي په لاره کي د یو بزګر کور په مخه ورغلی ، د بزګر د کور دیوالونه ډېر کښته وه چي پدې وخت کښي د بزګر ښځه لمبېدله شهزاده چي ورته وکتل د خوړل سوي میوې پوستکي یې پر ښځي باندي ور وغورځوله او په خندا خندا کښي ولاړی ، ښځي چي پوستکي ولیدل لوړ یې وکتل چي شهزاده پر فیل باندي سپور دی ژر ژر یې خپل ځان پټ کړی او ویې غوښته چي لمبېدو ته خاتمه ورکړي بزګر ورته وویل چي ته هیڅ فکر مه کوه زه همدا اوس پاچا صیب ته ځم هغه ډېر مهربانه او عادل سړی دی د عدل او انصاف پر برابر د هیڅ یو چا لحاظ او خاطر نه کوي زه همدا اوس خپل د بې عزتۍ بدله د شهزاده څخه اخلم ، ښځي یې ډېر ورته وویل خو بزګر و پاچا ته ورغلی او فریاد یې پر وکړ ، سمدستي شهزاده راوغوښتل سو دده په مخ کښي بزګر ټوله کیسه وکړه ، پاچا د شهزاده وخواته مخ ورواړوه او ورته یې وویل بدبخت انسانه د خدای د غضبه څخه نه بېرېږې وروسته یې امر وکړئ چي بزګر پر فیل باندي سپور کړئ او د شهزاده د کور ومخته یې تېر کړئ او دشهزاده ښځه د بزګر و مخته راولئ او بزګر ته د میوؤ پوستکي په لاس ورکړئ چي د شهزاده پر ښځه باندی یې وغورځوي.
د پاچا په دربار کښي ګڼه ګوڼه سوه آمیران او وزیران پاچا ته په زارۍ سوه چي پاچا صیب دغه سزا د شهزاده لپاره مناسبه نه ده کمه بله سزا ورته وټاکئ، پاچا صیب خپل پر خبره ولاړ وؤ هغه د هیڅ یو چا خبره نه منل فقط دومره یې وویل چي زما په مخ کښي لوی او غټ ، سرمایه داره او غریب ټول یو شان دي زه مي خپله پرېکړه نه بدلوم.
بزګر چي د پاچا دا خبري واورېدې پاچا ته یې وویل چي پاچا صیب بس زه شهزاده بخښم ماته خپله بدله ورسېده .
پاچا چي د بزګر دا خبره واورېده څه کرار سو وروسته یې امر وکړئ چي بزګر خوشحاله کړئ څه روپۍ ورته ورکړئ . امیرانو او وزیرانو هم همداسي وکړه شهزاده هم د بزګر څخه بخښنه وغوښته او د یوڅه سرو زرو مرسته یې هم ورسره وکړه .
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
