د طالبانو د امارت وروستي وختونه وو. افغاني سرې میاشتې ټولنه کې مې دنده وه. کور مې کابل کې نه و. یو څه وخت د کابل ښار په شیرینو ښوونځي کې اوسیدم. دا ښوونځی د نجونو و، خو په مدرسه یې بدل کړی و. هغه وخت له (طلب العلم فريضة على كلّ مسلمٍ ومسلمةٍ”)) څخه د (و مسلمةٍ”) برخه په عمل کې حذف شوې وه.
مدرسه له تورو لنګوټیو ډکه وه. وړو – وړو ماشومانو هم په سرول. دلته یې پخلی په لرګیو کاوه، ځینو طالبانو به چای هم په لرګیو کاوه. خو دوی یوازې لرګي نه سوزول. قوده قوده کاغذونه به یې اور پسې کړل او لمبو به چایبر په غیږ کې ونیوه. لوګي به لکه آهونه پورته شول، لکه د اسمانونو څښتن ته چې شکایت کوي.
یوه ورځ مې کاغذونه ولیدل، سترګې مې وبریښیدې.
های،
دا کاغذونه د شاګردانو اسنادونه وو. د هغوی کورنۍ وظیفې وې، د هغوی حاضرۍ وې، ترقي تعلیمونه وو، او د هغوی اطلاعنامې وې.
یوه ته مې ویل: و، د خدای نیکبخته! دا خو د شاګردانو اسناد دي، ولې یې سوزوې؟
لکه زما خبره چې ورته ټوکه ښکاره شوي وي، وې خندل او بیا یې ویل: نو ښځه په تعلیم څه کوي؟ … اوس خو یې ټول اسناد ختم شول، مخکې چیره وې؟
دې خبرو او د کاغذونو لوګیو مې سترګې ترخې کړې، همداسې غلی روان شوم….
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
